Soltústik Qazaqstan oblysynda 25 jekemenshik sot oryndaýshysy 2023 jylǵa arnalǵan jeke tabys salyǵy boiynsha deklaratsiiada óz kiristerin ádeii tómendetkeni anyqtaldy. Jasyrylǵan tabystyń jalpy kólemi - 133,5 mln teńge, al tólenbegen salyq somasy 13,2 mln teńgege jetken, dep habarlaidy Dalanews.kz.
Bas prokýratýranyń málimetinshe, tekseris barysynda sot oryndaýshylarynyń tabystardy deklaratsiialaý kezinde zań buzýshylyqtarǵa jol bergeni anyqtalǵan.
"Baqylaý organy 2023 jylǵa arnalǵan 240.00 nysandy deklaratsiiany taldaý kezinde birqatar sot oryndaýshylarynyń tabysty edáýir azaityp kórsetkenin anyqtady. Barlyǵy 25 tulǵa 133,5 mln teńge kólemindegi tabysyn jasyrǵan, nátijesinde 13,2 mln teńge salyq tólenbei qalǵan", – delingen habarlamada.
Tipti keibireýleri tabysy múlde bolmaǵandai nóldik deklaratsiia tapsyrǵan.
Mysaly, bir sot oryndaýshysy 459 atqarý qujatyn oryndap, sonyń nátijesinde 4,5 mln teńge tabys tapqan, biraq deklaratsiiasynda tabys joq dep kórsetip, 449 myń teńge salyqtan jaltarǵan.
Prokýrorlyq tekseristen keiin salyq organdary kameraldyq baqylaý júrgizip, zań buzýshylyqtardy túzetý sharalaryn qabyldaǵan.
Nátijesinde 11 sot oryndaýshysy deklaratsiiasyn naqtylap, 27,4 mln teńge tabysty qaita kórsetip, 2,6 mln teńge salyqty óz erkimen tóledi.
Qazir Bas prokýratýranyń aktisin oryndaý aiasynda ýákiletti organ qalǵan salyq qaryzdaryn óndirip alý boiynsha sharalar qabyldap jatyr.
