Oraza – rýhani tazarý aiy ǵana emes, qarjylai saýatymyzdy arttyryp, aqshamen ara-qatynasymyzdy retteitin keremet kezeń. Baiqasańyz, dál osy bir aida adamdardyń kóbi shyǵyndaryn eriksiz qysqartady, qajetsiz dúnielerden bas tartady.
Muny naqty eseppen tarqatyp kóreiik. Mysaly, orazaǵa deiingi kúndelikti qarjylai ádetterimizdi alaiyq. Ádette bir adam kúnine eki ret syrttan tamaq ishse, orta eseppen bir tamaqtanýy 2000-2500 teńge dep eseptegende, bir kúnde 5000 teńge jumsaidy. Bir aida bul soma 150 000 teńgege jetedi. Oraza kezinde bul shyǵyn birden qysqarady. Sebebi keshke úide jasalǵan as áldeqaida arzanǵa túsedi. Tipti úide aýqattanýdyń ózin kúnine 1500 teńgege eseptesek, 30 kúnde 45 000 teńge ketedi. Sonda bir ǵana tamaqtanýdyń ózinen 105 000 teńge únemdeledi.
Sonymen qatar oraza kezinde adamdar kóbine kóńil kóterý sharalaryna barýdy azaitady. Máselen, kino, kafe nemese basqa da oiyn-saýyqqa aptasyna 1 ret barsańyz, orta eseppen 10 000 teńge jumsaisyz delik. Aiyna – 40 000 teńge. Oraza aiynda bul ádetti ýaqytsha doǵara turyp, ornyna tegin, paidaly is-sharalar nemese rýhani mazmundaǵy kezdesýlerge qatysýǵa bolady. Osy arqyly qosymsha taǵy 40 000 teńge qaltańyzda qalady.
Endi, taǵy bir nazar aýdaratyn shyǵyn – kofe men tátti-dámdilerge ketetin qarajat. Kún saiyn kofehanadan kem degende bir shyny kofe alatyn bolsańyz, baǵasy shamamen 1000-1200 teńge aralyǵynda. Bir aida tek kofe úshin keminde 30 000 teńge shyǵyndanasyz. Oraza ýaqytynda kofeni úide daiyndap, aiyna orta eseppen 5000 teńgeden asyrmai-aq tutynýǵa bolady. Sonda taǵy 25 000 teńge únemdeledi.
Joǵaryda keltirilgen esepti biriktirsek, tek bir aida ǵana 170 000 teńgege jýyq aqsha únemdeýge bolatyny anyqtalyp otyr. Al endi bul únemdelgen aqshany qarjylyq maqsattaryńyzǵa baǵyttap, ony ári qarai investitsiiaǵa nemese depozitke salsańyz, qarjylyq jaǵdaiyńyzdy birtindep jaqsartýǵa naqty qadam jasaisyz. Eger bul somany ai saiynǵy depozitke salyp otyrsańyz, jyl sońyna qarai 2 million teńgege jýyq jinaq paida bolady.
Psihologiialyq turǵydan alǵanda da, oraza kezinde adamnyń qarjyǵa degen kózqarasy ózgeredi. Bul kezeńde qajet pen qajetsizdi ajyratyp, aqshany basqarý daǵdylaryńyz kúsheiedi. Adamnyń óz-ózin basqarý qabileti artqanda, aqshaǵa degen qurmeti men jaýapkershiligi de artady. Buryn mán bermegen usaq shyǵyndarǵa muqiiat bolasyz, qarjyny maqsatsyz shashýdan tyiylasyz. Iaǵni, oraza ustap otyryp, adamnyń qarjylyq ádetteri rettelip, aqsha jumsaýdaǵy uqyptylyǵy qalyptasady.
Osylaisha, oraza tek rýhani jaǵynan emes, qarjylyq jaǵynan da baiyp, aqshany sanaly basqarýǵa kómektesetin biregei kezeń. Bul ýaqytty tiimdi paidalanyp, qarjylyq saýatyńyzdy arttyrýǵa, ómirińizge aqshanyń ońai kelýine jaǵdai jasaýǵa ábden bolady. Sondyqtan, oraza ustap, rýhani ǵana emes, materialdyq jaǵynan da baiyp ketý ábden múmkin!
