Kompaniia basshylyǵy 80 myń qyzmetkeri bar, jyldyq biýdjeti men Ulttyq qorǵa aýdarymdary 2,3 trln teńgeni quraityn iri holdingti basqarý úshin mundai qurylym qajet ekenin málimdedi, dep habarlaidy Dalanews.kz.
QMG jaýaby: orynbasarlar ne úshin qajet?
NegeAqsha telegram-arnasy kompaniiaǵa resmi saýal joldap, máseleniń mán-jaiyn surap kórgen. Jaýapta basqarma tóraǵasynyń ár orynbasary strategiialyq mańyzdy baǵyttarǵa jaýapty ekeni aitylǵan.
“QazMunaiGaz – elimizdegi jetekshi vertikaldy integratsiialanǵan munai-gaz kompaniiasy. Ol geologiialyq barlaý, óndirý, qaita óńdeý, munai tasymaldaý, munai-himiia, munai servisi, munai jáne munai ónimderin marketingteý, sondai-aq tómen kómirtekti damý baǵyttarynda jumys isteidi. Aýqymdy óndiristik tsikldi qamtýy basqarý júiesine keshendi tásildi talap etedi”, – delingen resmi habarlamada.
QMG málimetinshe, basqarma tóraǵasynyń orynbasarlary kelesi baǵyttarǵa jaýapty:
- Munai óndirýshi óńirlerdegi áleýmettik turaqtylyq pen óndiristik qatynastardy basqarý;
- Geologiialyq barlaý jáne munai óndirý;
- Iri munai-gaz jobalary;
- Gaz jobalary jáne tómen kómirtekti damý;
- Munai óńdeý jáne marketing;
- Munai tasymaldaý;
- Ekonomika jáne qarjy;
- Strategiia, investitsiia jáne biznesti damytý, munai-himiia;
- Quqyqtyq qamtamasyz etý, korporativtik qaýipsizdik, halyqaralyq yntymaqtastyq jáne sanktsiialyq máseleler.
Basqarý qurylymy qysqardy ma?
QMG basqarý qurylymy ikemdi ekenin, tipti biznes aýqymy keńeigenine qaramastan, basqarýshy qyzmetter sany aldyńǵy jyldarmen salystyrǵanda qysqarǵanyn málimdedi.
"Buryn basqarý salalary az bolǵan kezde, ákimshilik apparat qazirgiden de aýqymdy edi", – dedi kompaniia ókilderi.
Sonymen qatar QMG SOCAR, "Gazprom" jáne "Tatneft" siiaqty halyqaralyq munai-gaz korporatsiialary da osyndai basqarý tájiribesin qoldanatynyn atap ótti.
