Kezdesý barysynda aimaq basshysy óńirimizdiń bilim salasynyń jai-kúiimen tanystyryp, qonaqtardy Prezident qoiǵan mindetterdi birlesip oryndaýǵa shaqyrdy.
– Elbasy 2022 jylǵa deiin 75 myń oryndyq stýdentter úiin salýdy tapsyrǵany belgili. Osy rette ózderińizdiń tájiribelerińizben bólise otyryp, jataqhana salý, oqý oryndaryndaǵy tehnikalyq oqý bazasynyń jaqsarýyna máilinshe yqpal etýge shaqyramyn. Stýdentter jataqhanamen qamtylsa, kóptegen másele sheshilgeli tur. Atap aitqanda, tómen baǵada jatatyn oryn, jolaqy shyǵyny jáne jastardyń qaýipsizdigi ońynan sheshiledi degen oidamyn, – dedi Janseiit Túimebaev.
Sondai-aq, oblys ákimi óńirimizdegi bilim salasyna engizilgen tsifrlandyrý júiesindegi jańalyqtarmen de bólisti. Búginde ońtústiktegi birqatar aýdan qalalarda mektep direktoryn jumysqa, balalardy balabaqsha men bilim uialaryna qabyldaý jumystary elektrondyq júiege kóshken. Odan bólek elektrondy kúndelik baǵdarlamasy da alǵash bolyp OQO-da qolǵa alynyp otyr. Nátijesinde bilim berý salasynda adami faktorlar azaiyp, qaǵazbastylyq pen sybailastyqtyń tómendegeni sóz boldy.
Óz kezeginde Májilis depýtaty Á.Bekturǵanov oblysta atqarylyp jatqan jumystar kóńil qýantatynyn aityp, bilim salasyndaǵy máselelerdi sheshý jolynda atqarylyp jatqan jumystardy baiandady. Halyq qalaýlylary oblysymyzda birneshe kún bolyp, oqý oryndardy aralyp jataqhanalardyń jai-kúiimen tanysatyndaryn jetkizdi.
Aita keteiik, OQO-da búginde tehnikalyq jáne kásiptik bilim berý uiymdarynda 74 myńnan asa stýdent bilim alýda. Memlekettik 36 kolledjdiń 32-si jataqhanamen qamtamasyz etilgen. Memlekettik 36 kolledjdiń barlyǵy 100% ashana jáne býfettermen qamtamasyz etilgen.
OQO ákiminiń baspasóz qyzmeti
