Onyń aıtýynsha, qazirgi tańda qala halqynyń sany 263,4 myń adam bolsa, onyń ishinde ekonomıkalyq turǵydan belsendi halyq - 102,9 myń. Jumyssyzdyq deńgeıi 5,1 paıyz kóleminde. 2018 jyldyń qańtar-naýryz aılaryna 1300-ge jýyq adam jumyspen qamtylyp, jyldyq jospardyń oryndalýy 17,5 paıyzdy quraǵan.
Budan ózge, aǵymdaǵy jyldyń 3 aıynda shaǵyn jáne orta kásipkerlikpen aınalysatyn 13405 sýbekt tirkelgen.
– Búgingi tańda naqty jumys istep turǵan belsendi SHOB sýbektileriniń sany -13044. Jumyspen qamtylǵan adam sany – 34278 adam. Al atalǵan saladaǵy ónim kólemi 19648,9 mln. teńgege jetken. Búdjetke tólengen salyq kólemi - 296,3 mln. teńge. Jumys istep turǵan belsendi sýbektiler sany ótken jylmen salystyrǵanda 101,1 paıyzǵa, jumyspen qamtylǵandar 2,8 paıyzǵa jáne ónim kólemi 2,6 paıyzǵa artyp otyr, – dedi Tájibek Qalmanuly.
Sonymen qatar, óńirde Qarashyq aýyldyq okrýginde ″Turan″ sút óndeý zaýyty, Túrkistan qalasyndaǵy ″Aq jol″ shujyq óńdeý sehy, Oranǵaı aýyldyq okrýginde ″Ál-Bereke″ ASHK jemis-jıdek jáne kókónis ónimderin óndeý sehy jáne ″Iassy qus″ shaǵyn qus fabrıkasy men Júınek aýyldyq okrýginde shujyq sehy jumys isteýde. Sondaı-aq, aǵymdaǵy jyly bıyl Eski Iqan aýylynda sút óndeý sehy, «Dıdar» sharýa qojalyǵynyń kókónis saqtaý qoımasy men «Iassy-qus» fabrıkasynyń İİ-kezeńi iske qosylatyn boldy.
OQO ákiminiń baspasóz qyzmeti
