ونىڭ ايتۋىنشا، قازىرگى تاڭدا قالا حالقىنىڭ سانى 263،4 مىڭ ادام بولسا، ونىڭ ىشىندە ەكونوميكالىق تۇرعىدان بەلسەندى حالىق - 102،9 مىڭ. جۇمىسسىزدىق دەڭگەيى 5،1 پايىز كولەمىندە. 2018 جىلدىڭ قاڭتار-ناۋرىز ايلارىنا 1300-گە جۋىق ادام جۇمىسپەن قامتىلىپ، جىلدىق جوسپاردىڭ ورىندالۋى 17،5 پايىزدى قۇراعان.
بۇدان وزگە، اعىمداعى جىلدىڭ 3 ايىندا شاعىن جانە ورتا كاسiپكەرلiكپەن اينالىساتىن 13405 سۋبەكت تiركەلگەن.
– بۇگىنگى تاڭدا ناقتى جۇمىس iستەپ تۇرعان بەلسەندi شوب سۋبەكتiلەرiنiڭ سانى -13044. جۇمىسپەن قامتىلعان ادام سانى – 34278 ادام. ال اتالعان سالاداعى ءونiم كولەمi 19648،9 ملن. تەڭگەگە جەتكەن. بيۋدجەتكە تولەنگەن سالىق كولەمى - 296،3 ملن. تەڭگە. جۇمىس iستەپ تۇرعان بەلسەندi سۋبەكتiلەر سانى وتكەن جىلمەن سالىستىرعاندا 101،1 پايىزعا، جۇمىسپەن قامتىلعاندار 2،8 پايىزعا جانە ءونiم كولەمi 2،6 پايىزعا ارتىپ وتىر، – دەدى تاجىبەك قالمان ۇلى.
سونىمەن قاتار، وڭىردە قاراشىق اۋىلدىق وكرۋگىندە ″تۇران″ ءسۇت وندەۋ زاۋىتى، تۇركىستان قالاسىنداعى ″اق جول″ شۇجىق وڭدەۋ سەحى، ورانعاي اۋىلدىق وكرۋگىندە ″ال-بەرەكە″ اشك جەمىس-جيدەك جانە كوكونىس ونىمدەرىن وندەۋ سەحى جانە ″ياسسى قۇس″ شاعىن قۇس فابريكاسى مەن جۇينەك اۋىلدىق وكرۋگىندە شۇجىق سەحى جۇمىس ىستەۋدە. سونداي-اق، اعىمداعى جىلى بيىل ەسكى يقان اۋىلىندا ءسۇت وندەۋ سەحى، «ديدار» شارۋا قوجالىعىنىڭ كوكونىس ساقتاۋ قويماسى مەن «ياسسى-قۇس» فابريكاسىنىڭ ىى-كەزەڭى ىسكە قوسىلاتىن بولدى.
وقو اكىمىنىڭ باسپا ءسوز قىزمەتى
