Kórshiles memleketter arasynda jańǵaq sharýashylyǵy Resei, Ózbekstan, Qyrǵyzstan men Tájikstanda jaqsy damyǵan. Konferentsiiaǵa kelgen ǵalymdar jańǵaq ósirýdiń qupiialary men tehnologiialaryn túsindirip, tájirbielerimen bólisti. Shet eldik ǵalymdardyń aitýynsha, Qazaqstanda jańǵaq sharýashylyǵyn damytýǵa mol múmkindik bar. Seminar barysynda oblystyq aýyl sharýashylyǵy basqarmasy basshysynyń orynbasary Asqar Qanybekov:
- Ońtústik Qazaqstan oblysy grek jańǵaǵyn jáne mindal ósirý úshin qolaily oryn bolyp tabylady. 2020 jylǵa deiin jańǵaq jemis daqyldaryn damytý baǵdarlamasyna sáikes, oblysta jańǵaq jemis baýlarynyń sanyn arttyrý, jumys oryndaryn qurý josparlanýda. Sol kezde óńirimizde jańǵaqty eksporttaý múmkindigi paida bolady, - dedi.
Oblysta jańǵaqty daqyldar negizinen jeke sharýashylyqtarda 300 gektar alqapta ósiriledi. Shetel naryǵynda 1 keli jańǵaq 10 dollarǵa para-par. Iaǵni jańǵaqty eksporttaý el diqandary úshin mol tabys alyp keledi. Aǵymdaǵy jyly óńirde jańǵaq daqylyn 400 gektarǵa otyrǵyzý mejelenip otyr. Jańǵaq baýlary negizinen Qazyǵurt, Tólebi, Saryǵash jáne Túlkibas aýdandarynda egiledi. Jáne aýdan turǵyndarynyń úileriniń aýlasynda ósiriletin jańǵaqtardy satyp alý josparda bar. Osy arqyly jinalatyn ónim kólemin arttyrýǵa bolady.
Aita keteiik, Elbasy «Qazaqstan - 2050» Strategiialyq Joldaýynda qazaqstannyń agroónerkásip kesheniniń bolashaǵy zor ekenin aita kele azyq-túlik taýary eksportyn arttyrýdy tapsyrǵan bolatyn. Eger Ońtústikte jańǵaq sharýashylyǵy damityn bolsa jarqyn eksportqa da jol ashylatyny sózsiz.
Derekkóz: "Oinet" saity
