Qatysýshylardyń basym kópshiligi tiginshilikti ıgerse, qalǵany elektr slesari mamandyǵyn meńgergen. Bul týraly oblystyq jumyspen qamtýdy úılestirý jáne áleýmettik baǵdarlamalar basqarmasynyń mamandary málim etti.
Úsh aı ishinde mamandyqty meńgergen azamattar turaqty jumysqa da ornalasty. Olar az ýaqyt aralyǵynda biri tiginshi, biri elektr slesari mamandyǵyna mashyqtanyp aldy. Endi jumysqa kirisýge saqadaı saı. Al Móldir Amantaeva tipti óz bıznesin ashyp, súıikti isinen nápaqa tabýdy oılastyryp ta qoıǵan. Baǵdarlama qatysýshysy aldaǵy ýaqytta jeńildetilgen nesıe alyp, qarajatqa jeke tigin sehyn ashpaq nıette.
Aıta keteıik, oblysta baǵdarlamanyń birinshi baǵyty sheńberinde mamandyǵy joq azamattar eńbek naryǵynyń suranysyna oraı kásiptik bilim alýǵa 4500, qysqa merzimdi kásiptik oqytýǵa 12 myńnan asa adam joldandy. Qysqa merzimdi kásiptik oqytýǵa joldanǵandardyń jartysyna jýyǵy oqýdy aıaqtap, 2 myńǵa jýyq adam jumysqa ornalasty deıdi sala mamandary. Jergilikti bılik ókilderi oblysta baǵdarlamany óz deńgeıinde iske asyrý nátıjesinde jumyssyzdar azaıyp, suranysqa ıe mamandar qataryn tolyqtyryp otyrmyz deıdi.
Aıta keteıik, búginde óńirde suranysy zor tiginshi, santehnık, elektr slesari sıaqty bas-aıaǵy on bes mamandyqtyń tizimi jasaqtalyp otyr. Jumyssyzdyqpen kúresý maqsatynda qolǵa alynǵan baǵdarlama aıasynda osynaý mamandyqtarǵa azamattardy kysqa merzimdi kásiptik oqytý jospary óz deńgeıinde júrgizilýde deıdi salaǵa jaýaptylar.
