Eńbek qatynastaryn retteitin qujat
Bul qujat áleýmettik áriptestikti damytý jáne áleýmettik-eńbek qatynastaryn retteý printsipterine negizdelgen. Sonymen birge, eldiń ekonomikalyq damýynyń turaqtylyǵyn qamtamasyz etýge jáne adam kapitalyndaǵy investitsiialardy arttyrýǵa sep bolady.
Qujat QR Eńbek jáne halyqty áleýmettik qorǵaý ministrliginde talqylandy. Jumys tobynyń otyrysyna Ulttyq ekonomika, Qarjy, Densaýlyq saqtaý, Mádeniet jáne sport, Investitsiialar jáne damý, Aýylsharýashylyǵy ministrlikteriniń mamandary men «Atameken» ulttyq kásipkerler palatasynyń, «Kazenergy» qaýymdastyǵy, jumys berýshiler konfederatsiiasy, Kásipodaqtar federatsiiasy, iri jumys berýshiler men kásipodaqtardan kelgen ókilder qatysty.
Eske sala keteiik munyń aldyndaǵy qujatqa 2014 jyly qol qoiylǵan bolatyn. Al osy jolǵy kelisimniń maqsaty – oǵan qatysýshylardyń ózara is-qimylyn tiimdi retteý arqyly laiyqty eńbek jaǵdailaryn qamtamasyz etý. Qujat tiimdi jumyspen qamtý jáne adam kapitalyn damytý, eńbek ónimdiligi men eńbekaqy tóleý, áleýmettik saiasat, eńbek qorǵaý jáne áleýmettik seriktestikti damytý máselelerin qaraidy. Sondai-aq, áleýmettik jaýapkershilikti arttyrý sekildi eńbek qatynastarynyń aspektilerin qarastyrady.
Jumys tobyna qatysqandar óz usynystaryn Kelisimniń jańa redaktsiiasyna joldady. Bul – kásibi bilim berý júiesin jańǵyrtý, kadrlardy sertifikattaýdy qalyptastyrý, kásibi utqyrlyqty damytý, áleýmettik saqtandyrý júiesin jetildirý jáne taǵy basqa máseleler boiynsha mindettemelerdiń paketi bolyp tabylady.
Kelisimniń sońǵy nusqasyna qol qoiý 2017 jyldyń 25 jeltoqsanyna josparlanǵan. Bul kelisim 2018 -2020 jyldar aralyǵyn qamtymaq.
