Iaǵnı, óńirdegi týrızmdi tıanaqty damytý jáne oblysqa tartylatyn syrtqy ınvestısıanyń kólemin arttyrý maqsatynda «Týrızm jáne syrtqy baılanystar», Elbasynyń áleýmettik-ekonomıkalyq damýdy sıfrlandyrýǵa kóshirý bastamasyn oryndaý jáne halyqqa kórsetiletin memlekettik qyzmettiń sapasyn arttyrý úshin «Aqparattandyrý, memlekettik qyzmet kórsetý jáne arhıvter», otbasy qundylyqtaryn dáripteý, zorlyq-zombylyqtyń aldyn alý maqsatynda «Otbasy, balalar men jastar isteri jónindegi» jáne mádenıet pen ana tildi, sondaı-aq, oblysta turatyn etnos ókilderiniń tilderin júıeli túrde damytý úshin «Mádenıet jáne tilderdi damytý» basqarmalary qaıta qurylady.
Sesıa jumysyna qatysqan oblys ákimi J.Túımebaev qurylatyn basqarmalar basqarý júıesin ońtaılandyryp, óńirdiń áleýmettik-ekonomıkalyq damýyna óz septigin tıgizetinin atap ótti.
– blystyń basty tabys kózi ol egin sharýashylyǵy, mal sharýashylyǵy, óndiris, qurylys, sondaı-aq týrızm salalary. Iaǵnı, osy týrızm salasyn ary qaraı damytýymyz kerek. Sondyqtan da týrızm jáne syrtqy baılanystar basqarmasyn kásipkerlik basqarmasynan shyǵaryp otyrmyz. Jalpy dúnıede kóptegen memleketterde týrızm sol eldiń ekonomıkasyna jaqsy kiris keltirýde. Tek qana Túrkıa Respýblıkasynyń ózinde jylyna týrızmnen 40 mlrd. AQSH dollar bolatyn kiris kirgen. Al endi Ońtústik týrıser úshin tarıhı eskertkishter men kıeli jerlerdiń otany desek, osy salada birlese jumys atqaryp, týrızmdi damytýdy myqtap qolǵa alýymyz kerek, – dedi ákim.
Aıta keteıik, sesıa jumysyna oblys ákimdiktiń músheleri men aýmaqtyq saılaý komısıasynyń tóraǵasy, qala jáne aýdan ákimderi, quqyq qorǵaý organdarynyń, oblystyq aýmaqtyq departamentter men basqarmalardyń basshylary, buqaralyq aqparat quraldarynyń ókilderi qatysty.
Máslıhat sesıasynyń kún tártibinde budan bólek, 2017-2019 jyldarǵa arnalǵan oblystyq búdjetke ózgerister men tolyqtyrý engizý, Shardara qalasynyń jáne Qaýysbek Turysbekov aýyldyq okrýginiń shekaralaryn ózgertý,oblysta ornalasqan memlekettik zańdy tulǵalarǵa ataý berý jáne qaıta ataý týraly usynystardy Respýblıkalyq onomastıka komısıasynyń qaraýyna engizý, aýyldyq jerge jumysqa jiberilgen medısına jáne farmasevtıka qyzmetkerlerin áleýmettik qoldaý sharalarynyń júıesi syndy 13 másele qaraldy.
OQO ákiminiń baspasóz qyzmeti
