Al onlain oqý kezinde mektep baǵdarlamasyn túsinbei qalǵan oqýshylarǵa qosymsha sabaq ótkizýge ruqsat etildi. Onyń kúnine neshe ret jáne qai ýaqytta bolatynyn muǵalim ózi sheshedi.
Keshege deiin onlain rejimde, endi ádettegi jumys kestesine kóshken mektepterdiń bilim alýshylary búginnen bastap kóbeidi.
Óitkeni bilim jáne ǵylym ministri úshinshi toqsannan joǵary synyptarǵa da mektepke baryp oqýǵa ruqsat berdi. Al joǵary oqý oryndary birtindep shtattyq rejimge aýystyrylmaq.
"Birinshi kýrs stýdentteri beiindi maqsatta olar úshin oqý aralas formatta ótedi. Iaǵni, dárister onlain formatta, al seminarlar, qoldanbaly sipattaǵy zerthanalyq jáne praktikalyq sabaqtar kúndizgi formatta ótedi", - deidi bilim jáne ǵylym ministriniń orynbasary Miras Dáýlenov.
Buǵan qosa, ministr orynbasary stýdentter onlain bilim alsa da ýniversitetter oqý aqysyn arzandata almaityndyǵyn aitty. Óitkeni oqý oryndary tehnikalyq bazasyn keńeitken eken. Dáýlenovtyń aitýynsha, bul da qyrýar qarajatty qajet etedi.
Al búgin Ashat Aimaǵambetov óziniń feisbýk paraqshasynda "Bilim berý týraly" keibir zańnamalarǵa engizilgen ózgeristerge prezdenttiń qol qoiǵanyn jazdy. Endi jańa talapqa sáikes, mektep oqýshylary qosymsha sektsiialarǵa tegin barý múmkindigine ie bolady eken. Al balabaqshalar men mektepterde 5 jylda bir ret attestatsiia júrgizilmek. Iaǵni, ata-analar men oqýshylardan saýalnama alynyp, kemshin tustar anyqtalady.
"Oqýlyqtardyń qurylymy men mazmunyna qatysty jańa erejeler ázirlenedi. Sondai-aq jergilikti atqarýshy organdar mektepke aparýǵa bolmaityn zattardyń tizimin jasaidy. Al áleýmettik jelide taraǵan "mektepke uialy telefon aparýǵa ruqsat etilmeidi" degen aqparat jalǵan", - deidi bilim jáne ǵylym ministriniń orynbasary Sholpan Karinova.
Sondai-aq ministrlik oqý protsesine engiziletin jańa baǵdarlamalar da egjei-tegjeili tekserilip, aprobatsiiadan ótkiziledi dep otyr. Osylaisha úshinshi toqsandaǵy oqý formaty men biylǵy jańashyldyqty tilge tiek etken ministrlik mekteptiń shtattyq rejimge tolyqtai qashan kóshetinin áli de ashyp aitpady.
