Shymkent Politsiia departamenti Nurai Serikbaidyń ólimine qatysty is boiynsha málimdeme jasady, dep habarlaidy Dalanews.kz.
Kúdiktige qatysty adam óltirý, nekege turýǵa májbúrleý jáne stalking baptary boiynsha tergeý júrgizilip jatyr. Tergeý barysy baqylaýda.
"Eki ret júrgizilgen sot-psihiatriialyq saraptama qorytyndysy boiynsha kúdiktiden psihikalyq buzylys anyqtalyp, osyǵan bailanysty mamandandyrylǵan mekemege májbúrli emdeýge jiberildi. Emdeý aiaqtalǵannan keiin kúdikti tergeýdi jalǵastyrý úshin qaitadan tergeý izoliatoryna qamalady", - dedi politsiia.
Politsiianyń sózinshe, tergeýshiler jábirlenýshi tarappen turaqty bailanysta, úzdiksiz bailanys qamtamasyz etilgen.
Aita keteiik, 11 qańtarda Shymkentte 21 jastaǵy Nurai Serikbai pyshaq jaraqattarynan kóz jumdy. Qaiǵyly oqiǵa beinebaqylaý kameralaryna túsip qalǵan.
Marqumnyń týystarynyń aitýynsha, Nurai Serikbai 11 ret pyshaq jaraqatyn alǵan.
Keiinirek politsiia qyzmetkerleri jedel izdestirý is-sharalary barysynda 21 jastaǵy turǵyndy óltirdi degen kúdikti er adamdy ustady.
Sonymen qatar, Prezident Ulttyq quryltaida shymkenttik Nuraidyń ólimine qatysty pikir bildirdi. Buǵan deiin kúdikti jyndyhanaǵa jatqyzylǵany aityldy.
