Astanalyq «nurotandyqtar» qalalyq partiia uiymynyń basshylyǵy partiialyq áleýmettik lift boiynsha eń daryndy, belsendi jáne el taǵdyryna jany ashityn azamattardyń aiaǵynan shalyp, praimeriz nátijesin burmalap jibergenine ań-tań.
Nur Otan partiiasy tóraǵasynyń birinshi orynbasary Baýyrjan Baibek atap ótkendei, praimeriz Nur Otan-dy "qaita qurylymdaý" mindetin oryndaýǵa múmkindik berdi.
Al elordalyq filial ne búldirip júr? Álde olar Baibektiń sózin elemei me? Olar osy naýqannan qandai qorytyndy shyǵarady? Qalalyq filial tóraǵasynyń birinshi orynbasary Erlan Kanalimov partiialastarynyń kókeiindegi kóptegen suraqtarǵa ne dep jaýap beredi?
13 sany?
Aityńyzdarshy, nýmerologiianyń partiia qurylysyna qandai qatysy bar? "13" sanyna kúmán-kúdikti kim oilap tapqan?
Iá, HHI ǵasyrdyń qoǵamdyq pikir kóshbasshylary buǵan kúle qarar edi. Alaida, asyqpańyz. Elordalyq filial bul sandy attap ótipti.
Praimeriz tiziminde 13-shi oryn alǵan jáne partiia tizimine kirýge úmittenip otyrǵan azamatty partiia konferentsiiasynda eleýsiz qaldyrypty! Bylaisha aitqanda 13 sanyn attap ótipti, 14 men 15 nómirlerge ótip ketken!
Bir qyzyǵy buǵan Nur Otan partiiasynyń beldi múshesi Igor Nesen asa nazar aýdarmaǵan. Biraq óz suraqtaryn Nur Otan partiiasy astanalyq filialynyń basshylyǵyna joldanǵan hatta qoiady.
Álgi hatty ol el tarihyndaǵy jańa partiialyq kezeń praimeriz - keremet jáne tamasha ideia ekenin atap ótken!
Al astanalyq filialǵa qatysty birneshe sezikti saýaly baryn jáne buǵan jaýap ala almaǵanyn aitady.
Igor Nesen óz okrýgi boiynsha asa kúrdeli Esil aýdanynda 35 jasqa deiingi sanatta 4-shi orynǵa ie bolǵanyn atap ótken jón.
- 35 jasqa deiingi jastar arasynda ekinshi týrǵa arnalǵan tizimder qalai quryldy? Qala tizimi boiynsha nelikten praimerizdiń 7-shi qatysýshysy Májiliske tańdalyp alyndy? Nelikten menen keiin turǵan 2 adam máslihatqa kandidat tizimine engizdińizder, men ne sebepti shet qaldym? Maǵan berilgen daýys sany bularǵa qaraǵanda 5-6 daýysqa kóp, - dedi ol partfilial basshylyǵy Erlan Kanalimovke joldaǵan saýalynda.
Onyń baǵalaýy boiynsha Nur Otan-nyń Nur-Sultan qalalyq filial basshylyǵy kásiporyndarmen jáne basqa da uiymdarmen nashar jumys jasaidy.
Demokratiiasyz tsentralizm, mundai da bola ma?
"Demokratiialyq tsentralizm" uǵymy saiasi saýatty aýditoriiaǵa jaqsy tanys. Birneshe ondaǵan jyl buryn bul printsip partiia qurylysynyń ózegi boldy.
Qazir me? Praimerizden keiin "Nur Otan" partiiasy astanalyq filialy Saiasi keńesiniń kóptegen músheleri birinshi orynbasar Erlan Kanalimovtyń bul printsipten habardar ekenine kúmánmen qaraidy.
Kanalimovtiń basshylyq stili aldyńǵy jetekshilerden «erekshe» ekenine kózderi jetti. Onyń aldyndaǵy azamattar keńes múshelerimen aqyldasyp otyratyn, olardyń saiasi tájiribesi mol edi.
«Al Kanalimov she? Ol aýdan ákimi bolyp jumys istep, eshkimdi elemei, jeke dara bilik qurýdyń «erejelerin» ábden meńgergenge uqsaidy. Alaida elordanyń deńgeiinde, eń aldymen partiianyń imidji úshin onyń ádisteri asa qolaisyz! Partiialyq jumysty aqyldasyp atqarý qajet, - deidi nurotandyqtar.
Eń soraqysy praimeriz nátijesi qorytyndylaǵan partiia konferentsiiasynan keiin qalalyq filialdyń Saiasi keńesiniń keibir belsendi músheleri onyń quramynan tys qalǵan. Talap boiynsha olardyń ókilettikteri kelesi jyly ǵana aiaqtalýy tiis.
Tańǵalatatyn taǵy bir tus: Saiasi keńestiń eski músheleri konferentsiiaǵa qatyspaǵan.
Munyń sebebin olarǵa: «Siz praimerizden óttińiz, tiisinshe jeńimpazdar úshin daýys beriletin zalda bolmaýyńyz kerek» dep túsindirgen eken.
Osylaisha partiia sapyndaǵy qoǵamdyq pikir kóshbasshylary partiialyq sailaýaldy baǵdarlamany jáne basqa da mańyzdy qujattardy talqylaý men qabyldaýdan shettetip jibergen!
Konferentsiiada qalǵan qatysýshylarǵa Saiasi keńestiń jańa múshelerine "IÁ" dep daýys berýdi usynǵan. Eń qyzyǵy Saiasi Keńestiń jańa músheleriniń tizimi qashan jáne kimmen talqylanǵany belgisiz. Álemjelige tarap ketpeý úshin osy tizimdi sýretke túsirýge de tyiym salǵan.
Eń qyzyǵy, olardyń eshqaisysymen bul sheshim tek talqylanbady, biraq postfaktým da habarlaýdy, túsindirýdi, jasalǵan/oryndalmaǵany úshin alǵys aitýdy/qorlaýdy qajet dep sanamady. Sondyqtan olardyń árqaisysy qazir ne bolǵanyn óz betinshe túsindirýge tyrysýda.
Máselen...
Farangiz Ahmetova jas mólsheri jáne genderlik tsenzýradan ońai óter edi. Onyń ústine ol – Qazaqstan halqy Assambleiasynyń(QHA) múshesi. Ony Saiasi keńesten shyǵaryp jiberdi. Sonyń saldarynan elordalyq Saiasi keńeste QHA múshesi joq!
Farangiz – partiianyń belsendi múshesi, ózi ustanymy bar, Sybailas jemqorlyqqa qarsy keńeste bolǵan.
Árqashan el aldynda júrdi. Ony mektepterde, aýrýhanalarda, qurylys nysandarynda jii kezdestirýge bolady. Onyń jumys tájiribesi mol, "Nur Otan" partiiasynyń qatarynda júrgenine kóp jyl boldy.
Barlyq músheler saiasi keńeske bir jyl boiy kóp kúsh jumsady, qalaǵa kóp paida ákeldi jáne partiianyń nyǵaiýyna yqpal etti. Soǵan qaramastan, olardy syrttai Saiasi keńesten shyǵaryp jiberdi, eshkim eskertken joq.
- Saiasi keńes - alqaly organ. Bizdi qýyp shyqty, - deidi ol.
Mundai jumys stilin "Nur Otan" partiiasy elordalyq filialy tóraǵasynyń birinshi orynbasary Erlan Kanalimov engizgenin kózi qaraqty qaýym jaqsy biledi. Bylaisha aitqanda, partiia músheleriniń aryz-talabyn ekinshi kezekke ysyryp, aldymen óziniń maqsat-múddesin júzege asyrýdy kózdeidi.
Olar shyndyqqa týra qarai ala ma?
Bul tizimde partiia qataryna praimerizge qatysý úshin kirgen, túpki oiy mansap satymen órlegisi keletin azamattar júr. Olar "Nur Otan"jumysynyń qurylymyn bilmeidi.
Al keshegi Saiasi keńes músheleri: "biz tipti rezervtik quramǵa da kirmedik", - dep ań-tań. Ázir Máslihatty 31 adamǵa deiin ulǵaitty, tizimde 62 kandidat bar.
Bulardyń arasynda praimerizde tómen oryn alǵan, tiisinshe tizimde júrýge laiyqty emes jáne talap boiynsha bul tizimge kire almaityn azamattar júr.
Partiianyń eski Saiasi keńes músheleri: «bul tizimdi tekserý kerek. Onyń zańdylyǵyn anyqtaý qajet. Tizimge engenderdiń azamattyq kózqarasyn bilýge tiispiz» deidi.
«Qanalimovtiń túpki oiy óz komandasyn jasaqtaý, óziniń kóńilinen shyǵatyn azamattardy tóńiregine toptastyrý» dep aqparat quraldary men álemjeliler jariialap jatqan dúnielerdi muqiiat sholyp otyrǵan nurotandyqtar buǵan nazary.
Partiia músheleri Qanalimovtyń demokratiialyq tsentralizmdi elemei otyrǵanyna qynjylady. Partiia jumysyna qatysty sheshim árdaiym ortaǵa salynyp, talqylanyp, tarazylanyp baryp qana qabyldanýy qajettigin jaqsy biledi.
Eshbir moraldyq qaǵidalardy elemeitin jáne partiianyń abyroiy men Elbasymyzdyń dana ideialaryna kir keltiretin partiia ókili Nur-Sultan qalalyq máslihatynyń hatshysy laýazymyna úmitker bola ala ma?
Barlyq laiyqty úmitkerlerdi shettetip tastaǵannan keiin Máslihatqa qandai komanda jinalady?
Buǵan aiqyn mysal – Hanzada Baltaeva. Sońynan daý arylmaityn Baltaeva altynshy oryn alyp, Parlament Májilisiniń kandidatyna ótip jatyr, al odan joǵary oryn alǵan laiyqty kandidattardy shettetip jiberdi.
Oǵan qatysty Nur-Otan partiiasynyń elordalyq filialy is qaraýdy bastady, bul týraly Instagram-daǵy resmi akkaýntynda habarlady.
Iá, nátije kóp kúttirmedi. Baltaeva Májiliske kandidattar tiziminen shyǵaryldy.
Endi myna qyzyqty qarańyz, ǵaiyptan taiyp, onyń esim-soiy Máslihattaǵy tiziminde júr! Qalaisha? Jaýaby aiqyn.
Partiianyń astanalyq filialyn Qanalimov basqaryp turǵanda, Baltaeva eshbir zańǵa baǵynbaidy. Zańdy belden basqan Qanalimovtyń Baltaevanyń Máslihatqa kirgizip jibermek.
Qanalimovqa qatysty tiisti sharalar qoldanylmasa, ol áli talai tanys-tamyryn Máslihatqa tyqpalary anyq!
Sailaýshylar men partiia basshylyǵy mundai jol bermei, jedel sharalar qabyldaýy kerek. Adaldyqtyń, ádilettiliktiń ústemdigin kórsetý kerek.
Áitpese, Erlan Kanalimov siiaqty partiialyq fýnktsionerler partiia reitingin quldyratyp tynady.
Praimerizge qatysýshylar Elbasy men Baýyrjan Baibektiń atyna ujymdyq hat jazýǵa ázir otyr, olardyń buǵan tolyq quqyǵy bar.
Budan soń bul jaǵdai barlyq aqparat quraldarynda jariialanyp, sońy aiqai-shýǵa ulasady.
