Semei meditsina ýniversitetiniń 144 qyzmetkeri men stýdentteri indetpen kúresýge úles qosýda
Óskemen, Ridder jáne Shemonaiha aýdanynyń infektsiialyq statsionarlarynda 19 qarashadan bastap jumys tobynyń quramynda «SMÝ» KeAQ Balalar infektsiialyq aýrýlary kafedrasynyń meńgerýshisi, m.ǵ. k., joǵary sanatty dáriger Imdat Efendiev jáne Anesteziologiia, reanimatologiia jáne narkologiia kafedrasynyń assistenti Dáýlet Tókenov patsientterdiń jaǵdaiyna taldaý jasaýda.
19 qarashadan bastap mobildi brigadalardyń quramynda koronavirýs infektsiiasynyń taralýyn boldyrmaý jónindegi oblystyq ahýaldyq ortalyq jumysyna JOO-nyń 30 dáriger-interni qosymsha tartyldy. Jumystar Densaýlyq saqtaý basqarmasy men ShQO taýarlar men qyzmetterdiń sapasy men qaýipsizdigin baqylaý departamentiniń mamandarymen birlesip júrgizilýde. Buǵan deiin, 4 qarashadan bastap bul jumysqa Óskemen filialynyń 10 qyzmetkeri men stýdentteri tartylǵan bolatyn.
Sondai-aq, ýniversitettiń bes kafedrasy COVID-19 juqtyrǵan naýqastar arasynda ólim jaǵdailaryna taldaý júrgizedi. Jumys Shyǵys Qazaqstan jáne Pavlodar oblystarynyń densaýlyq saqtaý basqarmalarymen tyǵyz bailanys jáne ózara is-qimyl negizinde júrgizilýde.
Qazirgi ýaqytta infektsiiany anyqtaý men aldyn-alý baǵytyndaǵy jumystarǵa «SMÝ» KeAQ-nyń 144 qyzmetkeri men stýdentteri, onyń ishinde JOO-nyń professor-oqytýshylar quramy mamandary, internder, rezidentter, magistranttar men doktoranttar jumyldyrylǵan.
