وسكەمەن، ريددەر جانە شەمونايحا اۋدانىنىڭ ينفەكسيالىق ستاسيونارلارىندا 19 قاراشادان باستاپ جۇمىس توبىنىڭ قۇرامىندا «سمۋ» كەاق بالالار ينفەكسيالىق اۋرۋلارى كافەدراسىنىڭ مەڭگەرۋشىسى، م.ع. ك.، جوعارى ساناتتى دارىگەر يمدات ەفەندييەۆ جانە انەستەزيولوگيا، رەانيماتولوگيا جانە ناركولوگيا كافەدراسىنىڭ اسسيستەنتى داۋلەت توكەنوۆ پاسيەنتتەردىڭ جاعدايىنا تالداۋ جاساۋدا.
19 قاراشادان باستاپ ءموبيلدى بريگادالاردىڭ قۇرامىندا كوروناۆيرۋس ينفەكسياسىنىڭ تارالۋىن بولدىرماۋ جونىندەگى وبلىستىق احۋالدىق ورتالىق جۇمىسىنا جوو-نىڭ 30 دارىگەر-ينتەرنى قوسىمشا تارتىلدى. جۇمىستار دەنساۋلىق ساقتاۋ باسقارماسى مەن شقو تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ ماماندارىمەن بىرلەسىپ جۇرگىزىلۋدە. بۇعان دەيىن، 4 قاراشادان باستاپ بۇل جۇمىسقا وسكەمەن فيليالىنىڭ 10 قىزمەتكەرى مەن ستۋدەنتتەرى تارتىلعان بولاتىن.
سونداي-اق، ۋنيۆەرسيتەتتىڭ بەس كافەدراسى COVID-19 جۇقتىرعان ناۋقاستار اراسىندا ءولىم جاعدايلارىنا تالداۋ جۇرگىزەدى. جۇمىس شىعىس قازاقستان جانە پاۆلودار وبلىستارىنىڭ دەنساۋلىق ساقتاۋ باسقارمالارىمەن تىعىز بايلانىس جانە ءوزارا ءىس-قيمىل نەگىزىندە جۇرگىزىلۋدە.
قازىرگى ۋاقىتتا ينفەكسيانى انىقتاۋ مەن الدىن-الۋ باعىتىنداعى جۇمىستارعا «سمۋ» كەاق-نىڭ 144 قىزمەتكەرى مەن ستۋدەنتتەرى، ونىڭ ىشىندە جوو-نىڭ پروفەسسور-وقىتۋشىلار قۇرامى ماماندارى، ينتەرندەر، رەزيدەنتتەر، ماگيسترانتتار مەن دوكتورانتتار جۇمىلدىرىلعان.
