رەسپۋبليكا كٷنٸ قارساڭىندا جەتٸسۋ وبلىسىنىڭ اۋىلدىق ەلدٸ مەكەنٸندە تاعى بٸر جاڭا سپورت كەشەنٸ اشىلدى. الاكٶل اۋدانىنىڭ قابانباي اۋىلىنداعى بۇل كەشەندە 300-گە جۋىق جاسٶسپٸرٸم سپورتپەن قامتىلىپ وتىر. وسىلايشا, وبلىس قۇرىلعاننان بەرٸ 40 جاڭا سپورت نىسانى پايدالانۋعا بەرٸلدٸ, دەپ حابارلايدى dalanews.kz.
سپورت كەشەنەنٸڭ سالتاناتتى اشىلۋىنا قاتىسقان وبلىستىق دەنە شىنىقتىرۋ جەنە سپورت باسقارماسى باسشىسىنىڭ مٸندەتٸن اتقارۋشى ەركەبۇلان دۋاناەۆ ٶڭٸردە, ەسٸرەسە اۋىلدىق جەردە سپورت ينفراقۇرىلىمىن دامىتۋ مەملەكەتتٸك ساياساتتىڭ باسىم باعىتتارىنىڭ بٸرٸ ەكەنٸن اتاپ ٶتتٸ. مەملەكەت باسشىسىنىڭ بۇقارالىق سپورتتى دامىتۋ جەنە قولجەتٸمدٸ سپورت ينفراقۇرىلىمىن قالىپتاستىرۋ جٶنٸندەگٸ تاپسىرمالارىن ٸسكە اسىرۋ اياسىندا ٶڭٸردە اتقارىلىپ جاتقان جٷيەلٸ جۇمىستارعا توقتالىپ, اۋىل تۇرعىندارىن قۋانىشتارىمەن قۇتتىقتادى.
اتاپ ٶتسەك, سپورت كەشەنٸنٸڭ قۇرىلىسى ٶتكەن جىلدىڭ سەۋٸرٸندە باستالعان بولاتىن. نىساننىڭ جالپى اۋدانى - 2076,2 شارشى مەتر. نىساندا تٶرت زال - ويىن زالى, بوكس, كٷرەس جەنە جاتتىعۋ زالدارى قاراستىرىلعان. مۇندا سپورتتىڭ باسكەتبول, ۆولەيبول, فۋتبول, بوكس, دزيۋدو, ٷستەل تەننيسٸ, جەڭٸل اتلەتيكا تٷرلەرٸمەن اينالىسۋعا جاعداي جاسالعان. كەشەندە بٸر مەزگٸلدە 80 بالا سپورتپەن شۇعىلدانا الادى.
جەرگٸلٸكتٸ جاتتىقتىرۋشىلار بۇل نىسان بالالاردىڭ سپورتتىق جاتتىعۋلارىنىڭ اۋقىمىن كەڭەيتۋگە مٷمكٸندٸك بەرەتٸنٸن ايتادى.
- بٷگٸن - اۋىل بالالارى ٷشٸن ەرەكشە قۋانىشتى كٷن. ەندٸ زاماناۋي سپورت كەشەنٸندە جاتتىعۋلاردى قولايلى جاعدايدا ساپالى ٶتكٸزە الامىز. بۇل بالالاردىڭ سپورتپەن تۇراقتى اينالىسۋىنا جەنە ٶز قابٸلەتتەرٸن شىڭداۋىنا جول اشادى. مۇندا اۋداندىق, وبلىستىق جەنە رەسپۋبليكالىق جارىستاردا جەڭٸسكە جەتەتٸن بولاشاق چەمپيوندار تەربيەلەنەتٸنٸنە سەنٸمدٸمٸن, - دەدٸ جەڭٸل اتلەتيكادان جاتتىقتىرۋشى المات يماشەۆ.
قابانباي اۋىلىنىڭ تۇرعىندارى دا جاڭا سپورت كەشەنٸنٸڭ اشىلعانىنا ريزا.
- اۋىلىمىزدا وسىنداي سپورت كەشەنٸنٸڭ اشىلۋىن كٶپتەن كٷتتٸك. ەندٸ بالالاردىڭ سپورتپەن اينالىسۋىنا, بوس ۋاقىتىن تيٸمدٸ ٶتكٸزۋٸنە مٷمكٸندٸك مولايادى. تۇراقتى جاتتىعۋلار بالالاردىڭ دەنساۋلىعىن نىعايتىپ, مٸنەزٸن شىڭداۋعا, تاباندىلىققا, جاۋاپكەرشٸلٸككە, قيىندىقتاردى ەڭسەرۋگە ٷيرەتەدٸ. اۋىلىمىزدا وسىنداي ماڭىزدى باستامالاردىڭ جٷزەگە اسىرىلىپ جاتقانىنا ريزامىز, – دەيدٸ اۋىل تۇرعىنى قانات قوجابەكوۆ.
بالالاردىڭ ٶزدەرٸ دە قۋانىشتارىن جاسىرمادى.
- مەن ۆولەيبول ويناعاندى جاقسى كٶرەمٸن. بولاشاقتا وسى سپورت تٷرٸمەن كەسٸبي تٷردە اينالىسقىم كەلەدٸ. ەندٸ وسى جاڭا زالدا ٷلكەن جارىستارعا دايىندالۋعا بٸزدە بارلىق مٷمكٸندٸك جاسالعان, - دەيدٸ جاس سپورتشى امينا قابي.
- مەنٸڭ كٷرەسكە قاتىسىپ جٷرگەنٸمە ەكٸ جىل بولدى. بٸزگە وسىنداي جاڭا سپورت كەشەنٸن سالىپ بەرگەنٸنە قۋانىشتىمىز. مۇندا كٷرەسكە قاجەتتٸ بارلىق جابدىقتار بار. وسىندا تۇراقتى جاتتىعىپ, بولاشاقتا چەمپيون بولامىز دەپ سەندٸرەمٸن – دەدٸ سانجار بەرٸك.
جالپى, بٷگٸندە وبلىستا 1 146 سپورت نىسانى جۇمىس ٸستەيدٸ. اتاپ ٶتسەك, وبلىس حالقىنىڭ سپورت ينفراقۇرىلىمىمەن قامتاماسىز ەتٸلۋ دەڭگەيٸ 70,5%-عا جەتٸپ, رەسپۋبليكالىق ورتاشا كٶرسەتكٸشتەن استى. وسى جىلدىڭ سوڭىنا دەيٸن بۇل كٶرسەتكٸشتٸ 71,4%-عا دەيٸن جەتكٸزۋ جوسپارلانۋدا. اتاپ ٶتسەك, وبلىس قۇرىلعاننان بەرٸ ٶڭٸردە 40 جاڭا سپورت نىسانى پايدالانۋعا بەرٸلسە, سونىڭ ٸشٸندە الاكٶل اۋدانىندا 7 سپورت نىسانى ٸسكە قوسىلدى, بۇل رەتتە 2 كٷرەس زالى جەرگٸلٸكتٸ ينۆەستورلاردىڭ قارجىسىنا سالىنعان. جاڭا نىسانداردىڭ قاتارىندا لەپسٸ اۋىلىنداعى 240 ورىندى جاتاقحاناسى بار 160 ورىندى كٶپفۋنكتسيونالدى سپورت كەشەنٸن اتاپ ٶتۋگە بولادى.
