– AQSh Kindik Aziia elderin «Úlken Ortalyq Aziia» jobasyna tartyp, Resei men Ortalyq Aziia elderiniń arasyn alshaqtatýdy kózdeýi múmkin, – dep alańdaýshylyq tanytqan Lavrov resmi Vashington «C5+1» formatyn ózderiniń túpki maqsattaryna paidalanyp ketýi múmkin ekenin alǵa tartty.
Iá, aldaǵy ýaqytta iri derjavalar arasynda Ortalyq Aziia úshin kúres qyza túsetini anyq. Bul basy ashyq áńgime. Kúni keshe ǵana sóz bolǵan «C5+1» formaty qanshalyqty júzege asatynyna ýaqyt tóreshi. Eń bastysy qaýipsizdik salasynda osy baǵytta yntmaqtastyq aiasyn keńeitý máselesi kóterilgeni bizdi qýantady.
Bizdińshe, Nazarbaevtyń bul bastamasyn Ortalyq Aziianyń Ózbekstannan basqa elderi tolyqtai qoldaýy múmkin. Ózbekstan nege qoldamaidy? Óitkeni kúni keshe ǵana Ózbekstan prezidenti bolyp sailanǵan Shavkat Mirziev tegi ózbek Resei oligarhy Alisher Ýsmanovtyń arqasynda Kremldiń qoldaýyna ie bolyp, bilik basyna kelgeni belgili. Sondyqtan ol «C5+1» formaty qarqyndy iske asyp jatsa, orystar ózbekter bul bastamaǵa kedirgi keltirýi yqtimal.
Kerek deseńiz, dál osyndai kertartpa áreketti qyrǵyz aǵaiyndardan da kútýge bolady. Óitkeni, Saýranbai Jienbekov Qyrǵyzstannyń prezidenti bolyp sailanǵanymen Almazbek Atambaevtyń yqpalynyn tolyqtai sytylyp shyqqan joq.
Degenmende, «C5+1» formaty bul – Ortalyq Aziia elderiniń memlekettigin nyǵaitatyn mańyzdy format dep eseptesek bolady. Biraq, onyń iske asýy da qiyn ekenin moiyndaýymyz kerek.
Nurlan JUMAHAN, jýrnalist
Sergei Lavrovtyń túsiniktemesi tómende
[audio mp3="https://dalanews.kz/wp-content/uploads/2018/01/Labrov-.mp3"][/audio]
