Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Ministr Ermekbaev namazhanalarǵa qatysty qandai sheshim qabyldady?

Dalanews
Ministr Ermekbaev namazhanalarǵa qatysty qandai sheshim qabyldady?
Talap ózgerdi. Jańa nusqaýlyq qabyldandy, sonymen.  Din ister ministri Ermekbaev Ádilet ministrligine óz aiaǵymen baryp, zańdy memlekettik tirkeýden ótkizdi.

Túsinbei otyrǵan shyǵarsyz? «Basy joq, aiaǵy joq bul ne?» dep. Aitamyz, asyqpańyz.

Osydan tórt jyl buryn «Dini ádebietti jáne dini mazmundaǵy aqparatty, dini maqsattaǵy zattardy taratý úshin arnaiy úi-jailardyń, sondai-aq  ǵibadat úilerinen (ǵimarattarynan) tys jerlerde dini is-sharalardy ótkizýge arnalǵan úi-jailardyń ornalastyrylýyn aiqyndaý týraly másele kóterilgen.

Kúni keshe osyǵan qatysty jańa nusqaýlyq qabyldandy. Osy nusqaýlyqta dini maqsattaǵy zattardy taratýǵa jáne dini is-sharalardy ótkizýge arnalǵan oryndardyń ornalasýyna qatysty birqatar jańalyqtar men ózgerister bar eken. Aitpai kete almadyq.

Birinshi másele

Iá, sonymen jańa nusqaýlyq qabyldandy. Endigi jerde ǵibadat úilerinen (ǵimarattarynan) tys jerlerde dini is-sharalardy ótkizýge arnalǵan úi-jailardyń (namazhana) ashylýyna qatysty talaptar kúsheitiletin bolady.

Bul basy.

Osydai bylai, ǵibadat oryndarynan tys jerde dini sharalar ótkizýge arnalǵan úi-namazhanalarda (namazǵa) dini paryzdaryn oryndaýshylarǵa laiyqty qyzmet kórsetilýine erekshe nazar aýdarylady. Bylaisha aitqanda, barynsha jaǵdai jasalynady.

 

Naqtylai keteiik. Jańa nusqaýlyqqa sai namazhana qalai bolsa, solai salyna salmaýy kerek. Aittyq qoi, bularǵa qatysty talap kúsheiedi dep. Budan bylai salynatyn namazhanalar jalpy aýdany 20 sharshy metrden bastap 100 sharshy metrge deiin bolýy, dáret alý úshin qajetti sanitarlyq júiemen qamtamasyz etilýi, sanitariialyq-epidemiologiialyq saladaǵy talaptarǵa sai kelýi jáne kúzetti basqarý pýltyna tikelei shyǵatyn, dini is-sharalardy ótkizýge arnalǵan úi-jaidy tolyq qamtityn beinekameralarmen jabdyqtalýy tiis.

Al eger bul talap saqtalmasa, namazhana ilgeride atalǵan talaptarǵa sai kelmese, mundai úi-jailardy ashýǵa ruqsat etilmeidi. Óz kezeginde munyń bárin jergilikti bilik, ákimshilik qatań baqylaýda ustaityn bolady.

Ekinshi másele

Qoǵamdyq oryndar da nazardan tys qalmapty. Din isteri jáne azamattyq qoǵam ministrligi temir jol jáne avtovokzaldar, áýejailar men porttarda dini is-sharalardy ótkizýge arnalǵan úi-jailardyń ornalasýyna qatysty talaptardy da ózgertken eken.

Ermekbaevtyń aitýynsha, temirjoldarda, avtovokzaldarda, áýejailarda dini qulshylyq, dini sharalar ótkizýge arnalǵan úi-jailardyń ornalasýyna qatysty talap etiletin 300 metr alynyp tastalǵan.

"Bul shara sapardan kelgen, saparǵa ketip bara jatqan azamattardyń ózderiniń dini qulshylyqtaryn oryndaýlaryna yńǵaily jaǵdai jasaidy" deidi ministrdiń ózi.

Al din salasyndaǵy sarapshylardyń pikirinshe, ministr durys istedi. «Jańadan qabyldanǵan nusqaýlyq adam quqyǵy men bostandyqtaryn qamtamasyz etýge baǵyttalyp, qabyldanǵany kórinip tur» deidi olar.

Aita ketsek, budan burynǵy aqparat quraldaryna bergen suhbatynda Ermekbaev «Qazaqstandy sóz júzindegi emes, is júzindegi zaiyrly memleketke ainaldyram» dep ýáde bergen.

Daiyndaǵan Dýman BYQAI 
Din isteri jáne azamattyq qoǵam ministri Dini ádebiet Ermekbaev namazhanalar ǵibadat úileri Madina Sádýaqasova

Oqi otyryńyz