Múmkindigi shekteýli jandar ózine qajetti zattarǵa portal arqyly tapsyrys bere alady
Múmkindigi shekteýli azamattar protezdik-ortopediialyq, sýrdotehnikalyq, tiflotehnikalyq jáne gigienalyq quraldarmen, sondai-aq kreslo-arbalar sekildi ońaltý-saýyqtyrý quraldarymen qamtamasyz etiletin bolady. Al arnaiy áleýmettik qyzmet qataryna jeke kómekshiler men ymdaý tili mamandarynyń qyzmeti jáne sanatorii-kýrorttyq emdeý túri kiredi.
Búgingi tańda ońaltý-saýyqtyrý quraldary men joǵaryda atalǵan qyzmet túrleri memlekettik satyp alýarqyly usynylýda. Áleýmettik qyzmet kórsetý júiesin jańǵyrtý jáne onyń sapasyn jaqsartý, qoljetimdi etý maqsatynda 2020 jyldyń 1 qańtarynan bastap respýblika kóleminde áleýmettik qyzmet kórsetý Portaly engiziledi.
Ókinishke orai, elimizde múgedektik berilgennen bastap, ońaltý qyzmeti men tehnikalyq quraldarǵa qol jetkizý merzimi segiz aiǵa deiin sozylýda. Bul memlekettik satyp alý rásimderiniń uzaqtyǵymen bailanysty. Áleýmettik qyzmet túrńn alýshy azamattardyń aitýynsha, bul júie múmkindigi shekteýli azamattarǵa tiimsiz. Olar jyl ótken saiyn qyzmet kórsetý sapasynyń nasharlaýy men meditsinalyq buiymdardyń sapasyzdyǵyna shaǵymdanýda.
Atalǵan portaldy júiege engizý arqyly múmkindigi shekteýli áleýmettik qyzmet túrin alýshy azamattarǵa ózine qajetti em-dom sharalary men tehnikalyq taýardy alýǵa múmkindik týady. Bul óz kezeginde ońaltý-saýyqtyrý qyzmetine jumsalatyn shyǵyn aiqyndyǵyn dáleldeidi.
Nátijesinde ońaltý-saýyqtyrý tehnikalyq quraldaryna kórsetiletin biznes-úrdis merzimi men arnaiy áleýmettik qyzmet kórsetý ýaqyty 8 aidan 1-2 aptaǵa deiin qysqarady.
Múmkindigi shekteýli azamattar suranysyna sáikes, tehnikalyq qurylǵylar men ońaltý qyzmetiniń belgilengen somasy týraly mehanizm de qarastyryldy. Iaǵni, portalda usynylatyn qyzmet pen taýar túriniń baǵasyna sai tólem jasaý fýnktsiiasy qoljetimdi bolmaq.
Budan bólek, portalda arnaiy sertifikaty bar mamandar týraly derekter de kópshilik nazaryna usynylsa, meditsinalyq-áleýmettik mekemeler týraly biryńǵai tizilimde meditsinalyq nysandardyń jabdyqtalýy men naýqas sanyna deiin kórsetiledi.
Portaldy iske qosý saýyqtyrý-ońaltý qyzmeti men ony júzege asyrý quraldaryna birdei qoljetimdilikti, úiden shyqpai-aq «bir tereze» arqyly ýaqytynda áleýmettik kómek alýdyqamtamasyz etedi. Sondai-aq portal qyzmet kórsetýshi men áleýmettik qyzmetkerler, mamandar týraly esep júrgizedi.
Bul óz kezeginde áleýetti qyzmet kórsetýshilerdiń básekelestigin arttyryp, áleýetti jetkizýshilerdiń qalpyna keltirý obektileri men qyzmetterdi engizýge qatysýynyń ashyqtyǵyn qamtamasyz etedi.
Belgili bolǵandai, pilottyq rejim portaly Aqtóbe qalasynda sátti iske asyryldy. Oǵan birneshe meditsinalyq-áleýmettik mekemeler qosylyp úlgergen.
Eske sala keteiik, «Áleýmettik qyzmetter portaly» avtomatty-aqparattyq júiesin engizý múgedekterdiń quqyqtaryn qamtamasyz etý jáne ómir súrý sapasyn jaqsartý jónindegi ulttyq josparda qarastyrylǵan.
400 myńnan astam qoldanýshylar men 200 myń jetkizýshilerden quraityn resýrsty Qazaqstannyń barlyq qalalarynyń turǵyndary paidalana alady dep josparlanýda.
Búgingi tańda «Mobildi azamattar bazasy», «Áleýmettik tirkelim», «Biryńǵai derekter qoimasy», «Qazpochta» AQ, «Eńbek sharttarynyń biryńǵai júiesi», «Jyljymaly múlikter tizilimi» aqparattyq júielerin biriktirý boiynsha jumystar júrgizilýde.
