Ministrdiń bastamasy qoldaý tabýda
Búginde ministrdiń tapsyrmasyn oryndaý aiasynda birqatar joǵary oqý oryndarynyń basshylary áleýmettik jelilerdegi óz paraqshalarynda bul bastamanyń pedagogtar úshin mańyzdylyǵyn atap kórsetip, jalaqynyń kóteriletindigi týraly habarlaýda.
Bul týraly Qazaqstandaǵy pedagogikalyq joǵary oqý oryndarynyń kóshbasshysy – Abai atyndaǵy Qazaq ulttyq pedagogikalyq ýniversitetiniń rektory Takir Balyqbaev Facebook, Instagram paraqshalarynda QR Bilim jáne ǵylym ministri Ashat Aimaǵambetovtyń bastamasynyń óte mańyzdy jáne ýaqytyly qadam ekenin jazǵan.
– Zamanaýi ýniversitet qyzmetiniń mańyzdy baǵyty – joǵary bilikti professor-oqytýshylar quramyn qalyptastyrý. Bilim sapasyn arttyrý jáne pedagogtarymyzǵa qoldaý kórsetý maqsatynda 2019 jyldyń qańtarynda Abai atyndaǵy QazUPÝ-da oqytýshylardyń jalaqysy ortasha eseppen 26 paiyzǵa kóterilgen bolatyn. Joǵary kórsetkishterge jetken oqytýshylarymyzǵa qosymsha ústeme aqy tólenýde.2019 jyldyń jeltoqsanynda professor-oqytýshylar quramnyń jalaqysyn taǵy da kóterý josparlanyp otyr, –dedi rektor Takir Balyqbaev.
Árine, pedagog mamandarymyzǵa degen ministrlik pen JOO tarapynan kórsetilgen qoldaý oqytýshylarymyzdy jańa jetistikterge yntalandyryp ǵana qoimai, bilim sapasyn kóterýge yqpal etetindigi sózsiz.
