Modýldi meditsinalyq pýnkt biýdjet qarajatyn únemdeidi
Osyndai qurastyrmaly-qańqaly modýldik konstrýktsiia ádisimen salynǵan densaýlyq saqtaý nysany jyl basynda Sairam aýdanynyń eki eldi mekeninde tapsyryldy. Budan bólek, osy kúni Báidibek aýdanynda – 3, Túlkibas aýdanynda – 2 jáne Saryaǵash óńirinde 13 meditsinalyq tirek paidalanýǵa berildi.
Túrkistan oblysynyń ákimi J.Túimebaev halyqtyń densaýlyǵyn saqtaý – memleket úshin asa mańyzdy másele bolyp tabylatynyn udaiy aityp keledi.
– Memleket basshymyz tiimdiligi az jáne memleket úshin shyǵyny kóp dispanserlik em qoldanýdan negizgi sozylmaly aýrýlarǵa alystan diagnostika jasap, sondai-aq osy salany ambýlatorlyq emdeý arqyly basqarýǵa kóshý qajet ekenin atap ótken bolatyn. Iaǵni, meditsina mekemeleri ozyq meditsinalyq qural jabdyqtarmen qamtamasyz etilip, dárigerler halyqqa sapaly qyzmet kórsetýi tiis, – dep oiyn ortaǵa salǵan bolatyn.
Osy baǵyttaǵy jumystardy jandandyrý maqsatynda oblys ákimdigi tarapynan tiisti jumystar barynsha atqarylýda. Máselen, meditsinalyq tirekterdiń qurylysyn júrgizýge modýldik konstrýktsiia úlgisi usynylyp otyr. Modýldik konstrýktsiiany qurastyrý tásili ýaqytty jáne biýdjet qarajatyn tiimdi jumsaýǵa oń áserin tigizedi. Osyndai meditsinalyq tirekte naýqastarǵa birinshi meditsinalyq sanitarlyq kómek kórsetýge tiimdi.
Sairam aýdanyna ústimizdegi jyly osy úlgidegi 5 meditsinalyq tirek satyp alynyp, aýdannyń densaýlyq saqtaý nysanyna degen máselesin 100 paiyzǵa sheshý josparǵa qoiylyp otyr. Sondai-aq, Aqsýkent aýylynda aýysymyna 500 kelýshige arnalǵan emhana qurylysy salynýda. Budan bólek, aýdanǵa kompiýterlik tomograf satyp alynyp, insýlt ortalyǵyn ashý josparlanyp otyr.
Jalpy oblysta jyl sońyna deiin modýldi quramaly taǵy 47 meditsinalyq pýnkt tapsyrlatyn bolady. Alańy 125 sharshy metrdi quraityn, meditsinalyq quraldarmen jabdyqtalǵan modýldik konstrýktsiianyń quny 30 mln. teńge.
Túrkistan oblysy ákiminiń baspasóz qyzmeti
