KSRO Atom jobasy aıasynda qurylǵan ÚMZ elimizdiń ıadrolyq ındýstrıasyndaǵy alǵashqylardyń birine aınaldy. İzinshe berılı, tantal jáne ýran ónimderin shyǵaratyn óndirister oryndary birinen soń biri ashyldy. ÚMZ-da jumys isteý úshin bedeldi joǵarǵy oqý oryndary ózderiniń úzdik túlekterin attandyrdy. Úlbilikterdiń kóp sandy ujymy alǵa umtylyp, óndiristi jetildirdi, ónimniń jańa túrlerin meńgerdi.
Búginde Úlbi metalýrgıalyq zaýyty – ónimderi álemniń kóptegen elderine tanymal biregeı kásiporyn. Zaýyt mereıtoıǵa oryndalǵan óndiristik josparlarymen kelip otyr. Ýran óndirisinde tabıǵı ýrannyń hımıalyq konsentrattaryn óńdeý kólemi ulǵaıdy. Otyn tabletkalarynyń partıasy ázirlenip, qytaılyq tapsyrys berýshilerge jóneltildi. Berılı óndirisinde alúmını-berıllıı lıgatýralaryn shyǵarý arta tústi. Jaqyn bolashaqta ónimniń jańa túri – túıirshek túrdegi mys-berıllıı qorytpasy Qytaı naryǵyna shyǵarylmaq. Tantal óndirisi metalýrgıalyq suryptaǵy tantal untaǵyn amerıkalyq tapsyrys berýshilerge jetkize bastady. Ittrıımen modıfıkasıalanǵan tantal jáne nıobıı taspalaryn óndirý tehnologıasy ázirlenip, olardy sheteldik seriktesterge komersıalyq jetkizip berýler jolǵa qoıylǵan. Joǵary ótkizgishtik suryptaǵy tazalyqqa ıe nıobıı quımalaryn óndirý tehnologıasy ázirlenip, ol synaqtan sátti ótkizildi.
Tantal óndirisi qyzmetkerleriniń respýblıkalyq «Rasıonalızator.kz» baıqaýynan tabyspen oralǵany da zaýyt mereıtoıyna laıyqty tartý boldy. Zaýyt jańashyldary «Jyldyń úzdik ónertapqyshtyq sheshimi» atalymynda ekinshi oryndy ıeledi. Buǵan deıin de, 2011 jyly «ÚMZ» AQ osy baıqaýdyń «Kásiporynda ónertapqyshtyqty qoldaýdyń úzdik júıesi» atalymynda jeńimpaz atanǵan bolatyn.
ÚMZ ujymyn mereıtoımen quttyqtaǵan «Qazatomónerkásip» UAK» AQ basqarma tóraǵasy Nurlan Qapparov elimizdiń ıadrolyq salasy aldynda turǵan jaýapty mindetterdi sheshýdegi kásiporyn róline toqtaldy.
– Qazatomónerkásip quramynda jumys júrgizetin kásiporynǵa qazirgi tańda ıadrolyq otyn sıklyndaǵy býyndardyń barynsha kóp sanyna ıe kompanıa qurýdaı mańyzdy mindet júktelgen. ÚMZ joǵarǵy tehnologıalyq ýran, tantal jáne berılı ónimderimen halyqaralyq naryqta Qazaqstan atyn laıyqty tanytyp keledi. Bul istiń barlyǵy kóp bilim men tájirıbeni, tereń biliktilikti talap eteri anyq, munyń bári úlbilikterde bar ekeni kúmán týǵyzbaıdy.
Zaýyt ardagerleri men qyzmetkerlerine qarata sóılegen «ÚMZ» AQ basqarma tóraǵasy Iýrıı Shahvorostov:
– Úlbilikter eńbekte ábden shynyqqan, qıyndyqtardan taısaqtamaıdy – ardagerlerge tán osy qasıetter jańa ekonomıkalyq jaǵdaılarda zaýyttyqtardyń qazirgi býynyna da óz soqpaqtaryn salýǵa kóp kómegin tıgizýde. Kásiporyn ónimniń joǵary sapasyn saqtaı jáne onyń tizbektemesin keńeıte otyryp, uzaq merzimdi jobalardy dáıektilikpen iske asyryp keledi.
ÚMZ-da ár jyly zaýyttyń týǵan kúni qarsańynda óndiristik jáne shyǵarmashylyq eńbegimen ortaq iske eleýli úlesin qosqandarǵa aıryqsha qurmet kórsetiledi. Bıyl ýran óndirisiniń slesar-jóndeýshisi Qaıdar Nurǵalıev pen tantal óndirisiniń aparatshysy Orazaly Jetenovtiń esimderi zaýyttyń Qurmet kitabyna jazyldy. «Zaýyt ardageri» qurmetti ataǵyn laıyqty 20 qyzmetker aldy. 10 qyzmetker Qurmet gramotasymen marapattalyp, taǵy 57-sine alǵys jarıalandy. Sonymen qatar, barlyq qyzmetkerlerge aqshalaı syılyq berildi.
Mereıtoı qurmetine ÚMZ-da saltanatty is-sharalar josparlanǵan. Zaýyttyń dańqty dırektory V.P. Potanın jáne KSRO Orta mashına jasaý mınıstri E.P. Slavskıı eskertkishterine, V.F. Konovalovtyń memorıaldyq taqtasyna gúl shoqtary qoıylady. «ÚMZ» AQ basqarma tóraǵasy «ULBA» mádenıet saraıynda jaqyn shetelderden kelgen qonaqtar men zaýyt ardagerlerine arnap, resmı qabyldaý ótkizedi.
Merekelik baǵdarlama «ULBA» OMS-da ótkiziletin konsertpen jalǵasady. Oǵan Óskemen qalasynyń tanymal óner ujymdary jáne oryndaýshylarymen qatar, zaýyt qyzmetkerleri de qatysady.
«ÚMZ» AQ baspasóz qyzmeti
