Mektep direktory muǵalimdi jumysqa qabyldaýǵa qatyspaidy
Óńir basshysy paraqorlyqqa, zańsyzdyqqa jol bergen laýazymdy tulǵalarǵa qatań shara qoldanylatynyn aityp, qyzmetkerlerine eskertý jasady. Májiliste Túrkistan oblysy ákimi apparaty memlekettik quqyq bóliminiń basshysy N.Eshenqulovtyń baiandamasy tyńdaldy. Ol Elbasy Joldaýlary men «100 naqty qadam» Ult josparynda sybailas jemqorlyqpen kúresti kúsheitý mindeti júktelgenine toqtaldy.
Óńirde sybailas jemqorlyqqa qarsy kúres júrgizilip jatqanyn tilge tiek etip, birqatar derekterdi baiandady. Biyl 8 ai kóleminde oblysta 170 sybailas jemqorlyq deregi tirkelse, onyń ishinde jergilikti atqarýshy organdardyń 25 memlekettik qyzmetkeri sybailas jemqorlyqqa qatysty aiyptalǵan. Onyń 18-i para alý deregimen jaýapkershilikke tartylsa, 4-eýi alaiaqtyqqa jol bergen. Degenmen, sońǵy jyldary jergiliki atqarýshy organ qyzmetkerlerine qatysty sybailas jemqorlyq faktileri tómendep keledi. Máselen, 2016 jyly 44 oqiǵa tirkelse, 2017 jyly 40 oqiǵa tirkelgen. Sybailas jemqorlyqqa bailanysty qylmystardyń basym bóligi Saryaǵash, Sairam jáne burynǵy Maqtaaral aýdanyna tiesili. Aýdan ákimi apparaty qyzmetkerlerine qatysty 7 oqiǵa tirkelse, ákimderdiń ústinen sybailas jemqorlyqqa bailanysty 6 derek anyqtalǵan.
Atqarylǵan jumystarǵa qaramastan ásirese, bilim salasynda jemqorlyq derekteri jii kezdesip jatyr. Oblystyq bilim basqarmasy basshysynyń orynbasary A.Sadyqovanyń aitýynsha, óńirde korrýptsiianyń aldyn alý úshin basqarma tarapynan birqatar qyzmetterdi tsifrlandyrý sharalary qolǵa alynǵan. Máselen, mektepke deiingi bilim berý uialaryna joldama berý jáne kezekke qoiý avtomattandyrylyp, 12 myńnan astam bala balabaqshaǵa ornalasqan. Iaǵni, adami faktor azaiyp, ótinishter elektrondy túrde rettelgen. 902 orta mektep mektep.sitcen.kz júiesine qosylyp, oqýshylar osy arqyly mektepke qabyldanyp jatyr. Búginde 53031 oqýshy elektrondy túrde 1-synypqa qabyldanǵan. Sonymen qatar, 902 bilim uiasynda jumys.sitsen.kz júiesi engizilip, 2718 ótinish kelip túsken. Júie qyzmeti arqyly 321 muǵalim jumysqa qabyldandy. Qazirgi tańda júiede 652 bos jumys orny týraly málimet tur. Endi ustazdarǵa direktorǵa nemese basqalarǵa jolyqpai jumysqa ornalasý júrgizilýde. Al, tehnikalyq qyzmetkerlerdi jumysqa qabyldaýdy mektep direktorynyń quziretinen alyp tastap, aýtsorsingke ótkizý usynysy qarastyrylyp jatyr.
Jiynda jer qatynastary, memlekettik satyp alý salasyndaǵy zańbuzýshylyqtar da talqylanyp, syibailas jemqorlyqqa qarsy kúres jónindegi komissiianyń jumysyn kúsheitý kerektigi aityldy. Oblys ákimi J.Túimebaev basqarma basshylarynyń esebin tyńdap, elge shynaiy otanshyldyq sezimmen adal qyzmet etý kerektigin aitty.
«Sybailas jemqorlyq – qoǵamnyń indeti. Sondyqtan halyq arasynda sybailas jemqorlyqqa qarsy mádenietti qalyptastyrý jumystary qolǵa alynyp, bilim berý uiymdarynda mádeni-aǵartýshylyq jumystary atqarylsyn. Sybailas jemqorlyqqa qarsy komissiiasy janynan ishki taldaý jumystaryn júrgizý úshin jumysshy toby qurylýy tiis. Memlekettik mekemeler ashyq ári elge jaqyn bolyp, sapaly qyzmet kórsetsin. Sybailas jemqorlyq faktileri tirkelgen ári osy indetke qarsy tiisti dárejede qadaǵalaý júrgizbegen laýazymdy qyzmetkerlerdiń máselesi qatań qaralatyn bolady» dep, aýdan, qala ákimderi men basqarma basshylaryna jemqorlyqqa qarsy kúresti kúsheitý jóninde tapsyrma berdi.
Túrkistan oblysy ákiminiń baspasóz qyzmeti
