Sapar barasynda aýdannyń tynys - tirshiligimen tanysyp, Qoshqar ata aýyldyq okrýgindegi «Óktemhan» sharýa qojalyǵynda atqarylyp jatqan jumystarǵa da qanyqty.
Munda jylyna 120 tonna kókónis ónimderin shyǵarylady. Jalpy jer kólemi 6 gektar bolsa, onyń 0,65 gektaryna jylyjaı salynǵan. Qojalyq ıesi Tursynbaı Qalybaev óz qarajaty esebinen jobaǵa 22 mln. teńge qarjy ketken. Búginde munda 60 myń teńge jalaqymen 5 adam turaqty jumyspen qamtylǵan. Joba 2014 jyly júzege asqan.
Aımaq basshysy aýyl sharýashylyq taýaryn óndirýge kelkende sanyna ǵana emes, sapasyna da erekshe mán berý kerektigin aıtty.
– Bizdiń oblys basqa óńirlerden aýyl sharýashylyǵymen erekshelenedi. Iaǵnı, bizdiń ónimdi elimizdiń barlyq aımaqtary tutynady. Odan bólek, ózge elderge eksporttalyp jatqany qansha. Demek, biz sapaǵa meılinshe kóńil bóliýimiz kerek. Sonda taýarlaryńyz ótimdi bolady. Eger ónimniń sapasy joǵary bolsa, uzaq saparǵa da shydamdy, tózimdi bolary sózsiz, – dedi Janseıit Qanseıituly.
Aıta keteıik, búginde aýdanda 5114 aýyl sharýashylyǵy nysany jumys istep keledi. Onyń 4994-i sharýa qojalyq bolsa, 120-sy óndiristik kooperatıvter.
Túrkistan oblysy ákiminiń baspasóz qyzmeti
