Qazaqstan internet-qaýymdastyǵynyń prezidenti Shavkat Sabirovtyń pikirinshe, memleket mán bermegesin IT salasy, kólikqurastyrý, injeneriia damymai qaldy bizdiń elde.
Bulardy bir izge túsirip, ekonomikanyń aldyńǵy dóńgelegine ainaldyrary múmkindigimiz bolǵan. Qazir kesh.
Eýraziialyq odaqqa basqa eshkimge keregi joq bizdiń naryq. Osy odaqty qurǵan Reseidiń esil-derti ortaq ekonomika emes, saiasi múdde», deidi ol.
Saiasattanýshy Zamir Qarajanov óz kezeginde: «Sanktsiianyń ońǵany joq. «Sanktsiia jańa ekonomikalyq múmkindikterge jol ashady» degen jattandy urandardyń bári jalǵan.
Sanktsiianyń nátijesinde ósip, órkendep, damyp, jetilip ketken elderdi estigen emespin.
Kez-kelgen sanktsiianyń maqsaty qarsy taraptyń tynysyn taryltý, aiaǵyna tusaý salý, damýyn tejeý.
«Oqshaýlaný arqyly otandyq óndirýshini qoldaýǵa bolady» degen ustanym da tym turpaiy. Álemnen oqshaýlaný aqyr aiaǵynda memlekettiń ózin orǵa jyǵady» degen pikir bildirdi.
Saiasattanýkshy Lesia Qarataevanyń aitýynsha, sońǵy kezderi bul máseleni tym saiasilandyryp jiberdik.
«Degenmen sanktsiiany sóz etkende ainalyp óte almaityn bir jait bar: Antireseilik sanktsiialyq túptiń túbinde Reseidi qurdymǵa ketirmei me? Ekonomikasy kúirep tunǵan Máskeý óz odaqtastaryn da osy quzǵa qosa súirep júrmei me?», – dedi ol.
Jiyndy túiindegen ǵalym Dáýren Áben bul rette:
«Qazirgi jaǵdaida bizdiń diplomattar men ekonomister qoiyn-qoltyqtasyp jumys jasaýy qajet. Eýraziialyq odaqqa alǵash qosylǵan jyldary Qazaqstannyń atynan kelissóz júrgizgender Resei men Belarýstiń aldynda eldiń múddesin qorǵai almaidy, keibir mańyzdy tarmaqtarǵa kelgende tabandylyq tanyta almady degen pikirler aitylǵan tuǵyn.
Bul sózdiń jany bar. Endeshe Qazaqstandy qazirgidei jaǵdaiǵa túskeni úshin sanktsiialardy kinalaǵan jón emes endeshe. Odaqqa qatysty kelissózderde kásibilik, biliktilik tanyta almaǵan bilik basyndaǵy ekonomister jaýap berýi kerek buǵan», – dedi.
