Adami kapitaldy damytýdyń negizgi quramdas bóligi tiimdi densaýlyq saqtaý júiesi bolyp tabylady, - dedi Qasym-Jomart Toqaev Qazaqstan Parlamentiniń birinshi sessiiasynyń ashylýynda. «Memleket ult densaýlyǵyn nyǵaitýǵa orasan zor kúsh salýda, nátijesinde azamattardyń ortasha ómir súrý uzaqtyǵy 74,4 jasqa deiin ulǵaidy, bul tarihymyzdaǵy rekordtyq kórsetkish», - dedi Q.Toqaev.
Iia, ult saýlyǵy oidaǵydai qamtamasyz etilgende ǵana qoǵamnyń úilesimdi damýy múmkin.
Qazaqstan 2023 jyly meditsina salasyn qarjylandyrý 2,5 trln teńgege jetti. Dúniejúzilik densaýlyq saqtaý uiymy damýshy elderdiń densaýlyq saqtaý salasyna ishki jalpy ónimniń 5-8% úlesi jumsalýy qajettigi týraly ustanymyna sáikes, Memleket basshysynyń densaýlyq saqtaý shyǵyndarynyń úlesin JIÓ-den 5% - ǵa deiin ulǵaitý týraly tapsyrma bergeni aian.
Biyl densaýlyq saqtaý shyǵyndary jalpy ishki ónimniń 3,7% qurady. Salystyrmaly túrde aitsaq, 2019 jylǵy bul kórsetkish bar-joǵy 2,8% bolatyn.
2019 jyly meditsina salasyn qarjylandyrý nebári 1,3 trln teńgeni, 2021 jyly – 1,8 trln teńgeni, 2022 jyly – 2,2 trln teńgeni qurady, al 2023 jyly 2,5 trln teńgege jetti. Meditsinalyq salany qarjylandyrýdyń ósýi densaýlyq saqtaý júiesiniń materialdyq-tehnikalyq bazasyn ulǵaityp qana qoimai, meditsina salasy qyzmetkerleriniń jumys jaǵdailaryn jaqsartýǵa múmkindik berip otyr.
Taǵy bir nazar aýdarar faktor, Qazaqstanda halyqtyń ósýi de bul salany qarjylandyrýdyń ulǵaiýyna áser berdi.
Qazaqstannyń jeri keń, eldi mekender arasyndaǵy qashyqtyq aitarlyqtai bolǵandyqtan, meditsinalyq qyzmet kórsetýdiń túrli zamanaýi tásilderi paidanylýy tiis. Qashyqtyqtan meditsinalyq járdem kórsetý, mobildi medkómek, aýyldyq jerlerde ambýlatoriialyq mekemeler salý da Memleket basshysy basa nazar aýdarǵan baǵyttar.
Elimizdegi meditsinalyq infraqurylymmen qamtamasyz etý boiynsha biyl 78 densaýlyq saqtaý nysany salynyp, onyń ishinde "aýyldyq densaýlyq saqtaýdy jańǵyrtý" ulttyq jobasy sheńberinde – 47, sondai – aq 80 meditsinalyq mekeme kúrdeli jóndeýden ótken.
Bul da bolsa, qanshama azamattyń alǵashqy meditsinalyq-sanitarlyq kómekke qol jetkizýine múmkindik.
Salanyń sozylmaly jetkiliksiz qarjylandyrylýy saqtandyrylǵan azamattardyń ózderine de tiesili meditsinalyq qyzmet kólemin almaýyna alyp keledi. Órkenietti elderde meditsina salasy tek biýdjetke telmirip otyrmai, investitsiialyq tabysty sala retinde de esepteledi.
Memleket basshysy, meditsina – investitsiialyq tartymdy sala ekendigine, tek qolaily jaǵdai jasaý kerektigine de erekshe kóńil bólip keledi.
Úkimettiń bergen esebi boiynsha. jeke investitsiialar esebinen densaýlyq saqtaý obektilerin salý jáne jaraqtandyrý boiynsha jumystar belsendi qolǵa alynǵan.
Biyl demeýshilik kómek esebinen 475 mln teńge somaǵa Atyraý qalasynyń "Bereke" shaǵyn aýdanynda dárigerlik ambýlatoriia, sondai-aq Shymkent qalasynyń" Yntymaq-2 " shaǵyn aýdanynda aýysymyna 350 adam qabyldaityn emhana salynǵany qýantarlyq.
Almaty oblysynda "Dolce" JShS ońtústik koreialyq "SGP" kompaniiasymen birlesip Ońtústik Koreia tehnologiiasy boiynsha ozyq shpritster óndirý boiynsha joba iske asyryldy.
"Clever Medical" JShS Almaty oblysynda operatsiialyq bólmelerge arnalǵan otandyq meditsinalyq buiymdar óndirisin iske qosty.
Almaty qalasynda "Ordamed" aq otandyq kompaniiasynyń bazasynda Ońtústik Koreialyq "Samsung Madison"kompaniiasynyń joǵary jáne saraptamalyq klasty ýltradybystyq statsionarlyq diagnostikalyq júielerin (Heka U1-U10) shyǵarý jolǵa qoiylǵan.
"AiSonic" JShS Mańǵystaý oblysynda alǵashqy otandyq "Aishyq"estý apparattarynyń óndirisin iske qosty. Ýltramedteh KZ" JShS Soltústik Qazaqstan oblysynda El ishindegi qajettilikti jabý úshin bakteritsidti sáýlelendirgishter men aýa retsirkýliatorlaryn shyǵarýdy iske qosty.
Shymkent qalasynda "Ultra Technology" JShS Súzgish jartylai maskalar óndirisin iske qosty. "Kolganat-Qaraǵandy" JShS klapany bar kn95 meditsinalyq maska-respiratorlaryn óndirý jelisi tolyq daiyndaldy, "Super Pharm" JShS Jambyl oblysynda otandyq tutynýshylardy qanaǵattandyrý úshin qýattylyǵy jylyna 250 mln shpritske deiingi bir rettik sterildi shpritster óndirisin iske qosqan. Iaǵni meditsinalyq salany damytýǵa investitsiialyq múmkindikterdi durys paidalanyp, memleket tarapynan qoldaý oidaǵydai bolǵanda, salanyń uzaq jylǵy máselelerin de sheshýge, halyqtyń sapaly meditsinalyq kómek alýyna da, jumyspen qamtý máselesin sheshýge bolady.
Bastysy, qoǵamymyzdyń sozylmaly derti - jemqorlyqtan saýyqtyrý da basty nazarda bolý kerek.
Bibigúl Jeksenbai
