Kópti mazalaityn saýalǵa qorǵanys ónerkásibi kásiporyndary qaýymdastyǵynyń tóraǵasy Naizabek Oljabaev jaýap berdi.
...
Jasyratyny joq, Qazaqstan erteden kórshi memleketten irgesin aýlaq ustamaǵan. Buǵan tarih paraqtary kýá. Demek, elimizdiń áskeri áleýeti kórshi Reseidiń saiasi jetekshiligine táýeldi. Tipti, otandyq áskeri qyzmetkerlerdiń deni sondaǵy joǵary oqý oryndarynda bilim alǵan. Olar óz elinde Qarýly kúshterdi qurý kezinde mundai mekteptiń artyqshylyǵyn ǵana emes, keide kemshilikterin de eriksiz qabyldaýǵa májbúr.
Al qazirgi zamanǵy qarý-jaraq pen áskeri tehnika qandai bolýy kerek? Búginde Qazaqstan Respýblikasy Qarýly Kúshterin qarý-jaraq pen áskeri tehnikanyń zamanaýi úlgilerimen, onyń ishinde qarý-jaraq jáne áskeri tehnikamen jaraqtandyrý 10 paiyzdan tómen.
Árine, áýe qorǵanysy kúshteri men áskeri-teńiz kúshterine tiesili jańa qarý-jaraq pen áskeri tehnikanyń negizgi úlesi qymbatqa túsetini belgili. Aita ketý kerek, áýe qorǵanysy kúshteri (ÁQQ) bólimshelerin jabdyqtaý da ońai emes. Ásirese, aviatsiialyq bólimshede tehnikany jóndeýge kóp qarajat qajet.
Demek, qarjy resýrstaryn durys bólmeýdiń saldarynan qurlyqtaǵy áskerler is júzinde eshteńesiz qaldy. Brondy tehnikalardyń jańa úlgilerine bólingen qarjy kózi jalpy kórsetkishpen salystyrǵanda 5%-dan az bolsa, al artilleriialyq jáne tankige qarsy júieler, sondai-aq áýe shabýylyna qarsy qorǵanys quraldary ulttyq Qarýly kúshter qurylǵaly beri jańartyla qoimaǵan. Bul turǵyda áskeri áýe qorǵanysy týraly aýyz ashýdyń ózi artyq.
Qańtardaǵy oqiǵadan keiin jasalǵan tujyrymdarǵa súiensek, biz búgin Qazaqstan Respýblikasynyń Qarýly Kúshteriniń áleýetin kóterýdi aldyńǵy orynǵa qoiýymyz kerek.
Kórshi memleketterden tynyshtyq kete bastaǵanda oń ózgerister engizip, naqty sharalardy qolǵa alý mańyzdy. Onyń ishinde kún tártibine Qarýly Kúshterdiń uiymdyq-shtattyq qurylymyn qaita qurý, arnaiy operatsiialyq kúshterdiń qolbasshylyǵyn qalyptastyrý, strategiialyq josparlaý qujattaryn qaita qaraý máselesi qoiylǵany abzal.
Álem elderinde bolyp jatqan qaqtyǵystar men kikiljińderdiń ózi sabaq bolýy tiis. Sondyqtan kez kelgen oqiǵany jan-jaqty saralap, sheshimdi qabyldaý kezinde asyǵystyqqa jol bermegen jón. Ol úshin Qazaqstan Respýblikasynyń ulttyq qaýipsizdiginiń búkil júiesine reforma júrgizip, túbegeili qaita qurý qajet. Dálirek aitqanda, Qarýly Kúshterdi basqarý jáne basqarý júiesiniń túr-tuqiianyna deiin jańashyl ózgeris engizý kerek.
Osy turǵyda sonaý otyz jyldan beri jalǵasyp kele jatqan Ázirbaijan men Armeniia arasyndaǵy qaqtyǵys oiǵa oralady. Ázirbaijan Taýly Qarabaqty qaitaryp alýǵa bel býǵanda Túrkiiadan áýeli ne kómek aldy? Buǵan tań qalýyńyz da múmkin, biraq bul Bairaqtar emes, jańa biznes-protsesster boldy.
Búginde Qazaqstan da Ýkrainanyń soǵys alańynda jurtty tamsantqan Túrkiianyń «Bairaqtaryn» satyp alýǵa kiriskeli otyr.
Sebebi, armiiany jańa úlgi boiynsha qaita qurý, ondaǵy barlyq negizgi úderisterdi túbegeili ózgertý arqyly ǵana zamanaýi syn-qaterler men qaýipterge tótep bere alatyn qarýly kúshter qura alamyz. Onsyz qorǵanys salanyń áleýetin kóterý múmkin emes.
