– Shynymdy aitsam «romantik» degen sózdi unatpaimyn. Tizerlep otyryp, saqina syilap, usynys jasaityn jigitterdi, tipti, túsinbeimin. Olar endi sheteldiń filminen kórgendi qaitalap júrgen shyǵar. Biraq, qazaqtyń azamattary eshqashan tizerlemegen. Erkek degen abyroiyna daq túsirmegen. Meniń romantik bolǵym da kelmeidi. Biraq, adamzattyń asyly Paiǵambarymyzdyń (s.ý.s) jaryna degen qurmetin, syilastyǵyn, jaqsy qarym-qatynasyn úlgi etemin. Áielińizge, anańyzǵa, qyzyńyzǵa gúl berý kerek. Biraq, gúl berý úshin romantik bolyp mindetti emes. Janyńyzǵa jaqyn áiel balasyna gúl syilasańyz, olardyń júzinde úlken qýanysh pen baqyttyń lebin baiqaisyzdar. Joǵaryda aityp kettim ǵoi, baqyttyseziný úshin shetel asý qajet emes. Sol siiaqty dúrkiretip toi jasap, altynǵa aptap, kúmiske kómkerýdiń qajeti joq.
«Jubailar bar áńgimesi taýsylǵan.
Al, mahabbat taýsylmaityn» - degen keremet óleń joldary bar ǵoi. Baqyt degen ol eki jastyń bergen sertinen taimai, bir-birine adal bolyp, syilastyqtaryn saqtai bilýi. Al, qalǵany ýaqyttyń enshisindegi, búgin bar, erteń joq dúnieler.
Óz kezegine tilshiniń "Sózińizdiń jany bar. Alaida, otbasyn saqtap qalý ońai emes. Sizdiń shańyraqtaryńyzdaǵy tynyshtyq pen syilastyqty qalai saqtai aldyńyzdar? Qyzǵanysh degen bar ma?" egen saýalyna:
– Qyzǵanysh jas kezimizde bolǵan shyǵar. Qazir biz aqyl toqtatqan azamattarmyz. Sondyqtan, qyzǵanysh degen qyzyl itti senimge jeńdirgenbiz. Berekeli otbasynyń basty kepili – shariǵat. «Áielińniń bir kemshiligin kórseń, bes artyqshylyǵyn eske túsir. Unamaityn qasietin baiqasań, ózińe unaityn qasietterin esińe al» deidi dinimizde. Men jarymdy qatty joǵary baǵalaimyn. Men úshin janyn berýge daiyn. Ásirese, shyǵarmashylyqqa kelgen kezde alǵash bolyp qoldaý kórsetip, demeý bolatyn jan. Keide «bul maǵan jaraspaidy. Ony jastar kiiý kerek qoi. Meniń jasym keldi» dep aita qalsam «erte qartaimańyzshy. Sizge keremet úilesip tur» dep shabyt beredi.
Ómir bolǵasyn keide psihologiialyq soqqy alatyn kezderimiz bolady. Jaqyndarymyzdy joǵaltamyz. Sengen adamdardyń satqyndyǵyn kóremiz. Sol kezderdiń barlyǵynda keremet syrlas dos bola biledi.
Qiyndyqty, ashtyqty da, toqtyqty da birge kórdik. Kóp adamdar Sáken Maiǵazievti tanyp, soǵan ǵashyq shyǵar. Biraq, men jarym Maiǵaziev Sákenge ǵashyq bolǵan jan. Meni eshkim tanymaityn kezde ǵashyq bolyp, azamattylyǵymdy baǵalaǵan arý. Shańyraǵymyzdyń shaiqalmai turýyna sol kisi birden bir sebepshi shyǵar. Er azamatym dep qasym men qabaǵyma qarap otyrady. Baqytty, berekeli otbasyna ainalý úshin Allany tanyp, qorqý kerek. Men ózimdi sútten aq, sýdan tazamyn demeimin. Báriniń haqqysyn berý kerek. Áieldiń haqysy bar. Erkelegin kóterý kerek. Birnárse unamasa keshirý kerek. Jaman oilamaý kerek. «Áieldi eri emes, ary ustaidy» degen sóz bar.
Áiel adam da teńdik osy eken dep tóbege shyqpaýy kerek.
Ómir bolǵasyn aq pen qarasy da bolady, problema da bolady. Malǵundardyń aralaspaityn jeri joq, keide sabyrsyz bolatyn kezim bolady. Shúkir, únemi ol basyla qoiady. Eń bastysy, keshirimdi bolý kerek, – deidi belgili ánshi.
Derekkózi: comode.kz
