Bul týraly Tengrinews.kz habarlady.
2004 jyldan beri Qazaqstanda júrgen 47 jastaǵy Ózbekstan azamaty QR Qylmystyq kodeksiniń 174-baby boıynsha aıyptalyp otyr. Bul iske qatysty sot otyrysy Astananyń Saryarqa aýdandyq №2 sotynda qaralyp jatyr. Er adam sot zalynda turyp, mundaı jazba qaldyrýǵa neniń ıtermelegenin túsindirdi.
«Meniń júregim nashar. Sonymen qosa, ishimdikti qoıa almaı júrmin. Biraq ol kúni urttaǵanym da joq. Velosıpedpen ketip bara jatqanymda meni eki jigit toqtatty. Temeki surady, aýzyna kelgenderin aıtyp, aqsha talap etti.
Bireýi meni uryp jiberdi, velosıpedimdi tartyp almaq boldy. Osydan keıin qanym basyma shaýyp, ashýym keldi. Jerde jatqan markerdi kórdim. Aıaldama tur eken. Ashýmen osyndaı sózder jazyp qoıyppyn.
Sosyn ketip qaldym, al 7 kúnnen keıin meni ustady», — deıdi aıyptalýshy.
«Qolym ózdiginen júgirip ketti, qabyrǵany syzyp júrgen oqýshynyń qylyǵyndaı», — deıdi sottalýshy BAQ ókilderi arqyly barsha qazaqstandyqtarǵa.
«Mundaı bolady dep oılaǵam joq. Men Qazaqstannyń barsha halqynan resmı túrde keshirim suraýǵa daıynmyn. 2004 jyldan beri Qazaqstandamyn. Sol kóshede turamyn.
Kran basqaratynmyn, mamandyǵym sol. Osyndaǵy kóptegen qurylystarda eńbek ettim. Sońǵy eki jyl jumys isteı almadym. Júregim aýyrady, emdelýge aqsham joq. Ol aýyrǵan kezde ishimdik ishemin. Osy ishimdik oıymdy tumshalady.
Qymbattylarym meniń — qazaqstandyqtarǵa, qazaqtarǵa esh ókpem joq. Olar maǵan únemi qol ushyn beretin. Solardyń arqasynda aman qaldym dese de bolady.
Ózbekstanda jumys bolmaǵan soń osynda keldim. Munda adamdar sońǵy nanymen bólisetin. Shyn júregimmen aıtamyn: meniń esh ókpem joq», — deıdi 47 jastaǵy er adam.
