بۇل تۋرالى Tengrinews.kz حابارلادى.
2004 جىلدان بەرى قازاقستاندا جۇرگەن 47 جاستاعى وزبەكستان ازاماتى ق ر قىلمىستىق كودەكسىنىڭ 174-بابى بويىنشا ايىپتالىپ وتىر. بۇل ىسكە قاتىستى سوت وتىرىسى استانانىڭ سارىارقا اۋداندىق №2 سوتىندا قارالىپ جاتىر. ەر ادام سوت زالىندا تۇرىپ، مۇنداي جازبا قالدىرۋعا نەنىڭ يتەرمەلەگەنىن ءتۇسىندىردى.
«مەنىڭ جۇرەگىم ناشار. سونىمەن قوسا، ىشىمدىكتى قويا الماي ءجۇرمىن. ءبىراق ول كۇنى ۇرتتاعانىم دا جوق. ۆەلوسيپەدپەن كەتىپ بارا جاتقانىمدا مەنى ەكى جىگىت توقتاتتى. تەمەكى سۇرادى، اۋزىنا كەلگەندەرىن ايتىپ، اقشا تالاپ ەتتى.
بىرەۋى مەنى ۇرىپ جىبەردى، ۆەلوسيپەدىمدى تارتىپ الماق بولدى. وسىدان كەيىن قانىم باسىما شاۋىپ، اشۋىم كەلدى. جەردە جاتقان ماركەردى كوردىم. ايالداما تۇر ەكەن. اشۋمەن وسىنداي سوزدەر جازىپ قويىپپىن.
سوسىن كەتىپ قالدىم، ال 7 كۇننەن كەيىن مەنى ۇستادى»، — دەيدى ايىپتالۋشى.
«قولىم وزدىگىنەن جۇگىرىپ كەتتى، قابىرعانى سىزىپ جۇرگەن وقۋشىنىڭ قىلىعىنداي»، — دەيدى سوتتالۋشى ب ا ق وكىلدەرى ارقىلى بارشا قازاقستاندىقتارعا.
«مۇنداي بولادى دەپ ويلاعام جوق. مەن قازاقستاننىڭ بارشا حالقىنان رەسمي تۇردە كەشىرىم سۇراۋعا دايىنمىن. 2004 جىلدان بەرى قازاقستاندامىن. سول كوشەدە تۇرامىن.
كران باسقاراتىنمىن، ماماندىعىم سول. وسىنداعى كوپتەگەن قۇرىلىستاردا ەڭبەك ەتتىم. سوڭعى ەكى جىل جۇمىس ىستەي المادىم. جۇرەگىم اۋىرادى، ەمدەلۋگە اقشام جوق. ول اۋىرعان كەزدە ىشىمدىك ىشەمىن. وسى ىشىمدىك ويىمدى تۇمشالادى.
قىمباتتىلارىم مەنىڭ — قازاقستاندىقتارعا، قازاقتارعا ەش وكپەم جوق. ولار ماعان ۇنەمى قول ۇشىن بەرەتىن. سولاردىڭ ارقاسىندا امان قالدىم دەسە دە بولادى.
وزبەكستاندا جۇمىس بولماعان سوڭ وسىندا كەلدىم. مۇندا ادامدار سوڭعى نانىمەن بولىسەتىن. شىن جۇرەگىممەن ايتامىن: مەنىڭ ەش وكپەم جوق»، — دەيدى 47 جاستاعى ەر ادام.
