Qoǵamdyq uiymdar latyn álipbiine ótýi bir aýyzdan qoldady
Sháripbek Jamalbek, OQO Azamattyq aliansynyń tóraǵasy:
– 2017 jyldyń 26 qazany Qazaqstan úshin tarihi, el táýelsizdiginiń tarihynda altyn áriptermen jazylatyn airyqsha kún boldy. Aitýly kúni ulttyq til ereksheligine negizdelgen jańa grafika qabyldanyp, memlekettik mártebesi bar tilimiz úshin serpindi sát týdy. Qarap otyrsaq, bul bastama qazaq tiliniń halyqaralyq dárejege shyǵýyna taptyrmas múmkindik bolyp otyr. Áitsede, qiyndyqtardyń bolatyny jasyryn emes. Sol qiyndyqtardyń aldyn alyp, memleket basshysy latyn álipbiiniń jańa nusqasyn qoǵamdyq talqylaýǵa ýaqyt bere otyryp, tiimdisin qabyldady. Endigi kezeń-kezeńimen 2025 jylǵa deiingi latyn qarpine kóshýge el bolyp atsalysýymyz tiis.
Bektai Ormanov, «Nur Álem» qoǵamdyq birlestiginiń tóraǵasy:
– Latyn grafikasyna negizdelgen jańa álipbiige ótýimiz qutty bolsyn! Elbasynyń qaýlysymen bekitilgen qýanyshty jańalyqty barlyǵymyz qýana qabyl aldyq. Nege qýanbasqa birinshiden, latyn álipbii Qazaqstan men damyǵan elderdiń arasyn jalǵaityn kópir ispetti. Endi sol máseleni is júzinde sheshýge kiristik. Tarihi jazba muralarymyzdy súzgiden ótkizýge múmkindik týdy. Latyn álipbiine kóshý kezeń-kezeńimen iske asatynyn da este ustaǵan abzal. Sondyqtan, bul máselede asa kóp qiyndyqtar paida bolady dep oilamaimyn.
Danara Saranova, «ASSA» qoǵamdyq birlestiginiń direktory:
– Elimiz qaryshtap damyǵan tusta, tilimizdiń mártebesin de jadymyzdan shyǵarmaýymyz qajet ekenin eskersek, latyn grafikasyna negizdelgen jańa álipbi nusqasyn kóńilge qonymdy dep aita alar edim. Sonymen birge, týystas túrik halyqtarymen da yntymaqtastyq máselesine oń yqpal etedi dep senemiz. Bir kezderi latyn álipbii qazaq jerinde qoldanysta bolǵan. Onyń ústine, elimizde aǵylshyn tilin jetik biletin jastar ósip keledi. Olarǵa latyn álipbiine beiimdelý asa qiyndyq týǵyza qoimaidy.
