Maqtaraldyq dihandardyń qaýyny Reseige eksporttaldy
Aýdannyń áleýmettik-ekonomikalyq damý kórsetkishin baiandaǵan aýdan ákimi Ǵ.Ismailov biylǵy jyly 131,4 myń gektarǵa egin egilgenin atap ótti. Onyń ishinde 94 myń gektarǵa maqta, 368,4 gektaryna kúnbaǵys, 85 ga kartop, 24 myń gektardan astam jerge baqsha ónimderi, al 2417,3 ga kókónis, 56 gektarǵa júzim men taǵy basqa da ónimder egilgen. Maqtaraldyq diqandar egilgen 18,4 myń gektar qaýynnan búginde 19 myń tonnadan astam baqsha daqylyn jinap, onyń 70 paiyzyn shetelge eksporttasa, qalǵan 30 paiyzyn Qazaqstan naryǵyna saýdalaǵan.
Eń aldymen oblys basshysy erte kóktemnen eginin egip, mol ónim jinap Qazaqstan men shetel naryǵyna shyǵaryp jatqan Maqtaral aýyldyq okrýgindegi jeke kásipker A.Boevtyń baý-baqshasymen tanysty. Mundaǵy baýdyń 8 gektaryna alma men alhory, 1 gektaryna anar, 20 gektar jerine júzim otyrǵyzylǵan.
Biyl «Hamro ata» sharýa qojalyǵy shaǵyn 18 qojalyqty biriktirip, kooperatsiia quryp otyr. Osynyń negizinde eńbek ónimdiligin arttyryp mol tabys tabýdy kózdep otyrǵan sharýalar memleketten bólinetin ártúrli jeńildikter men sýbsidiiaǵa jáne lizing arqyly jańa tehnikaǵa qol jetkizip otyrǵandaryn aitady. Kooperativtiń jalpy jer kólemi 339,4 gektar bolsa, onyń 6 gektaryna jylyjai, 274,4 gektar jerine maqta, 15 gektarǵa qaýyn, 20 gektarǵa jońyshqa, 10 gektar jerge júgeri, 8 gektarǵa jemis-jidek, 1 gektarǵa anar, 20 gektarǵa júzim egilgen. Budan bólek, «Hamro ata» fermerlik qojalyǵynda mal bordaqylaý alańy da bar. Ondaǵy 220 bas iri qara maldyń jartysy bordaqylanýda.
Sharýa qojalyqtyń jumysymen tanysqan aimaq basshysy, mundaǵy atqarylyp jatqan jumysqa oń baǵa berip, ózgelerge ónege bolýy úshin atalǵan qojalyqta seminar ótkizýdi sala basshylaryna tapsyrdy.
Munan bólek, ákim J.Eraliev aýyldyq okrýgindegi apatty jaǵdaida turǵan «Táýelsizdiktiń 20 jyldyǵy» atyndaǵy kanal jáne onyń ústinen ótetin kópirdiń máselesimen tanysty. Sonymen qatar, atalǵan aýyldyq okrýgtegi «Nuraly jol» sharýa qojalyǵynyń maqta men baqsha egis alqabyn aralap kórdi. Óńir halqyn jemis-jidek, kókónistermen jáne baqsha ónimderimen qamtý maqsatynda barynsha jumys isteý qajettigin aitqan oblys ákimi sharýalarǵa beriletin memlekettik kómek pen qoldaýdy der kezinde kórsetýdi jáne sýbsidiia alýda qujattaryn rásimdeý jumystaryn úilestirýdi aýdan ákimdigine mindettedi.
1997 jyly qurylǵan qojalyqtyń jalpy jer kólemi 497 gektarǵa jetse, onyń ishinde 210 gektary maqta, 213 gektary baqsha. Al, 50 gektar jerine jońyshqa, 27 gektarǵa dándik júgeri otyrǵyzǵan.
Sapary barysynda J.Túimebaev aialdaǵan kelesi nysan «Haiat R.Ý.J.» JShS-niń aiaq kiim fabrikasy boldy. Túrkiiadan alyp kelgen jańa jabdyǵyn 2 ai buryn ǵana iske qosqan fabrika, ónimin 2 ese arttyryp, jylyna 1 mln. jup jazdyq jáne qystyq aiaq kiimder shyǵarýda. Óndiris orny import ornyn basyp Qazaqstan naryǵyn qamtyp jatyr. Jobanyń jalpy quny 675 million teńgeni qurasa, «Biznestiń jol kartasy – 2020» baǵdarlamasy aiasynda 100 million teńe nesie alǵan.
Sonymen qatar, ákim kúni keshe iske qosylǵan «Nurai» sporttyq saýyqtyrý keshenin aralap kórdi. Nemis tehnologiiasy negizinde sýdy jylytý jáne tazalaý júiesimen qamtylǵan 25h10 metrlik basseini bar keshen bir mezette 100 adamdy qamti alady. Sondai-aq, fitnes zaly, túrik hamamy jáne fin saýnasy, sporttyq taǵamdar ashanasy, tennis pen biliard zaly, karaoke, 3 juldyzdy qonaq úii bar.
