Almaty oblysy men «ForteBank» arasynda bailanys nyǵaimaq
Búgin «ForteBank» AQ-nyń Qaskeleń qalasyndaǵy bólimshesinde Almaty oblysynyń ákimi Amandyq Batalov pen «ForteBank»AQ Basqarma tóraǵasy Maǵjan Áýezov ózara yntymaqtastyq týraly memorandýmǵa qol qoidy, - dep habarlaidy Almaty oblysy ákiminiń baspasóz qyzmeti.
Qarasai aýdanyna jasaǵan jumys sapary barysynda oblys ákimi A. Batalov «ForteBank» AQ-nyń Qaskeleń qalasyndaǵy bólimshesiniń jóndeýden ótken ǵimaratyn aralap kórdi.
- Búgin oblys ákimdigi men bank arasynda yntymaqtastyq týraly memorandým jasasyp otyrmyz. Bul eki taraptyń bailanysynyń tyń múmkindikterine jol ashyp, jańa jobalardy júzege asyrýǵa septigin tigizedi dep senemin, - dedi oblys ákimi A. Batalov.
Atalmysh banktiń oblystyq filialynyń direktory Gúljanat Abdrahmanovanyń aitýynsha, «ForteBank» AQ-nyń Almaty oblysynda búgingi kúni 10 bólimshesi jumys isteidi. Onyń 4-eýi Taldyqorǵan óńirinde bolsa, 6-ýy - Almaty mańynda. Sonymen qatar jýyrda Taldyqorǵan qalasynda jańa filialynyń qurylysy bastalmaq.
«Memorandým aiasyndaǵy atqarylar sharalar arqyly oblystaǵy biz qyzmet kórsetip otyrǵan 50 myńnan astam jeke tulǵalar men 4 myńnan astam zańdy tulǵalar úshin tiimdi múmkindikter qarastyrylsa, al bank qyzmetkerlerine jańa mindetter júkteledi», - deidi G. Abdrahmanova.
Jalpy, «ForteBank» AQ - búgingi kúni Eýropalyq qaita jańǵyrtý jáne damý banki arqyly elimizde shaǵyn jáne orta biznesti damytýǵa qoldaý bildirip otyrǵan birden-bir bank. Sonymen qatar «Damý» kásipkerlikti qoldaý qory júiesiniń, «Biznestiń jol kartasy - 2020» memlekettik baǵdarlamasynyń belsendi qatysýshysy retinde de kásipkerlikti ilgeriletýge atsalysyp keledi. Yntymaqtastyq barysynda Almaty oblysynyń shaǵyn jáne orta biznes salasynda da osy múmkindikter barynsha keńinen qatmamasyz etiletin bolady.
