Maqtaaral aýdanynda maqta-toqyma klasterin damytýda 2024-2030 jylǵa deiin jalpy quny 70 mlrd. teńgeni quraityn 8 iri jobany júzege asyrý josparlanǵan. Osy arqyly 3020 adam jumyspen qamtylyp, biýdjetke qosymsha 1 mlrd. 862 mln. teńge salyqtyq túsimder túsedi dep boljanýda. Bul týraly oblys ákimdiginde Maqtaaral aýdanynyń 2030 jylǵa deiingi ekonomikalyq damý strategiiasy talqylanǵan májiliste aityldy. Túrkistan oblysynyń ákimi Darhan Satybaldy Maqtaaraldyń damý qarqynyn arttyrý kerektigin aityp, jaýaptylarǵa tiisti tapsyrmalar berdi, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Biz Maqtaaral aýdanyn damytýda negizgi basymdyqtardy aiqyndap, josparlap almasaq, ekonomikalyq damý bolmaidy. Naqty usynystar az. Damý josparyn naqtylap, kúsheite túsken jón. Maqta klasteri, aýyl sharýashylyǵyn ártaraptandyrý, sý únemdeý tehnologiialaryn engizý mańyzdy. Aýyl sharýashylyǵy daqyldaryn tereń óńdeýge basymdyq berilsin. Logistikalyq áleýetti kóterý de nazarǵa alynsyn. Jumysty jandandyryńyzdar, – degen Darhan Satybaldy jospardy jetildirýdi tapsyrdy.
Ónerkásip salasyndaǵy 11 jobanyń, 7-eýi indýstrialdy aimaqta ornalasa, 4 joba arnaiy aimaqtarda júzege aspaq. Maqtaaral aýdany indýstiraldy aimaǵynyń jalpy jer aýmaǵy – 24 gektar. Qazirgi tańda atalǵan aimaqta quny 3 mlrd. 450 mln. teńgeni quraityn, 137 jumys ornyn qamtityn 4 joba jumys isteýde. 2024-2030 jyldary aralyǵyna jalpy quny 4 mlrd. 740 mln. teńgeni quraityn, 7 joba josparlanyp, 100-ge jýyq jumys orny ashylady dep boljanýda.
Egin sharýashylyǵy daqyldaryn ártaraptandyrý boiynsha 2030 jylǵa deiin maqtany 30 myń gektarǵa mólsherlep, iaǵni 3,7 myń. gektarǵa azaityp, ónimdilikti 60 tsentnerge ulǵaitý josparlanyp otyr. Maqta daqylynyń 15 myń gektaryn sý únemdeý tehnologiiasymen egý mejelengen. Júgeri daqylyn 2,6 myń gektardan 4,1 myń gektarǵa kóbeitý, mash daqylyn 0,2 myń gektardan 2,1 myń gektarǵa kóbeitý josparǵa engizilgen. 2025 jyly «Agro Gruz» logistikalyq kompaniiasy arqyly 10 myń tonna ónimdi saqtaýǵa arnalǵan qoima ashý josparlanyp otyr. Tut aǵashy alqaby ulǵaiady.
