Amerıkalyq U.S. News & World Report basylymynyń sarapshylary jasaǵan álemdegi eń kúshti ásker tiziminde Qazaqstan jıyrmalyqqa enbeı qaldy, - dep habarlaıdy Dalanews.kz “Adyrna” ulttyq portalyna siltep.
Atalǵan tizimde Ózbekstannyń qarýly kúshteri 19 orynda tur.
Nú-Iorkte shyǵatyn jýrnaldyń reıtıńinde barlyǵy 89 memleket usynylǵan. Qazaqstan 22 orynǵa jaıǵasqan.
Eń kúshti ásker reıtıńinde Reseı kósh bastap tur. Odan keıin AQSH pen Izraıl keledi.
Úzdik ondyqqa sonymen qatar:
- Qytaı;
- Ońtústik Koreıa;
- Iran;
- Ulybrıtanıa;
- Ýkraına;
- Germanıa;
- Túrkıa.
Eger burynǵy KSRO elderin esepke alatyn bolsaq, onda Ózbekstan tizimniń on ekinshi qatarynda ornalasqan Belarýssıadan ǵana tómen tur.
Tizimniń tómengi jaǵynda Jańa Zelandıa, Lıtva, Lúksembýrg, Latvıa jáne Sıngapýr syndy elder turdy.
Aıta keteıik, 2024 jyly Ózbekstan Global Firepower nusqasy boıynsha 2024 jylǵy áskerı kúshter reıtıńinde 145 eldiń ishinde 65 orynǵa ıe boldy. 2023 jylmen salystyrǵanda el úsh pozısıaǵa tómendedi, biraq aımaqtaǵy kóshbasshylyǵyn saqtap qaldy. Qazaqstan - 58, Túrkimenstan - 83, Qyrǵyzstan - 100, Tájikstan 107 orynda boldy.
Global Firepower Ózbekstannyń qorǵanys búdjetin 796,8 mıllıon dollarǵa baǵalap otyr. Áskerı qyzmetkerlerdiń sany 48 myńdy quraıdy.
