امەريكالىق U.S. News & World Report باسىلىمىنىڭ ساراپشىلارى جاساعان الەمدەگى ەڭ كۇشتى اسكەر تىزىمىندە قازاقستان جيىرمالىققا ەنبەي قالدى، - دەپ حابارلايدى Dalanews.kz “ادىرنا” ۇلتتىق پورتالىنا سىلتەپ.
اتالعان تىزىمدە وزبەكستاننىڭ قارۋلى كۇشتەرى 19 ورىندا تۇر.
نيۋ-يوركتە شىعاتىن جۋرنالدىڭ رەيتينگىندە بارلىعى 89 مەملەكەت ۇسىنىلعان. قازاقستان 22 ورىنعا جايعاسقان.
ەڭ كۇشتى اسكەر رەيتينگىندە رەسەي كوش باستاپ تۇر. ودان كەيىن اقش پەن يزرايل كەلەدى.
ۇزدىك وندىققا سونىمەن قاتار:
- جۇڭگو؛
- وڭتۇستىك كورەيا؛
- يران؛
- ۇلىبريتانيا؛
- ۋكراينا؛
- گەرمانيا؛
- تۇركيا.
ەگەر بۇرىنعى كسرو ەلدەرىن ەسەپكە الاتىن بولساق، وندا وزبەكستان ءتىزىمنىڭ ون ەكىنشى قاتارىندا ورنالاسقان بەلارۋسسيادان عانا تومەن تۇر.
ءتىزىمنىڭ تومەنگى جاعىندا جاڭا زەلانديا، ليتۆا، ليۋكسەمبۋرگ، لاتۆيا جانە سينگاپۋر سىندى ەلدەر تۇردى.
ايتا كەتەيىك، 2024 جىلى وزبەكستان Global Firepower نۇسقاسى بويىنشا 2024 جىلعى اسكەري كۇشتەر رەيتينگىندە 145 ەلدىڭ ىشىندە 65 ورىنعا يە بولدى. 2023 جىلمەن سالىستىرعاندا ەل ءۇش پوزيسياعا تومەندەدى، ءبىراق ايماقتاعى كوشباسشىلىعىن ساقتاپ قالدى. قازاقستان - 58، تۇركىمەنستان - 83، قىرعىزستان - 100، تاجىكستان 107 ورىندا بولدى.
Global Firepower وزبەكستاننىڭ قورعانىس بيۋدجەتىن 796،8 ميلليون دوللارعا باعالاپ وتىر. اسكەري قىزمەتكەرلەردىڭ سانى 48 مىڭدى قۇرايدى.
