Bul týraly partiianyń baspasóz qyzmeti habarlady.
2008 jyly qurylǵan «Aibek» aýyl sharýashylyǵy kooperativi keshendi jumys isteidi. Kásiporyn quramynda mal ósirý, bordaqylaý, soiý, et kombinaty, et buqtyrý, qalbyrlaý zaýyty bar. Et baǵytyndaǵy maldy 4 sharýashylyq ósirse, bordaqylaý alańynda jylyna 600 basqa deiin iri qara bordaqylanyp, soiylady. Et buqtyrý zaýytynda ony qalbyrlaýmen qatar, tushpara tárizdi jartylai fabrikattyń 6-7 túri shyǵarylady. Atalǵan zaýyttyń óz múmkindigi táýligine 48 myń bank shyǵarýyna shikizat jetimsizdigi qolbailaý bolýda. Kásiporyn búginde 80-ge jýyq adamdy jumyspen qamtyp otyr.
"Aýyl sharýashylyǵynyń úlken kólemdegi aýmaǵy elimizdiń batys óńirinde. Biraq olar shashyrańqy ornalasqandyqtan ónimderin óńdeý oryndaryna jetkizý óte qiyn. Elimizdiń aýyl sharýashylyǵy ónimi shikizatyn óńdeýdi áli tolyq iegere almai jatqanynyń bir sebebi – osy.
Ár aýdanda kem degende bir óńdeý mekemesi bolý kerek. «Aýyl» partiiasynyń maqsaty – sharýashylyq ónimderin óńdep, saýda-sattyq oryndaryna deldalsyz jetkizý. Ol degenimiz – qosymsha paida. Ónim shikizat kúiinde satylsa ol bolmaidy.
Qaida óńdeý kásiporyndary sol úshin kerek. «Aýyl» partiiasynyń maqsaty – osy salanyń tamyryna qan júgirtý. Qaita óńdeý mekemelerin memleket tarapynan qoldaý deńgeii suranysqa sai emes. Olar oidaǵydai jumys istep, nátije kórsetýi úshin memleket oǵan aiamai qarjy salyp, kóp kólemde investitsiia quiý qajet. Bárin biznes ókilderiniń moinyna artyp, qarap otyrýǵa bolmaidy.
Memleket qoldaý tetikterin jetildirip, qaita óńdeý mekemelerin qamtamasyz etý tiis. Sol kezde ǵana ekonomikalyq tiimdilik bolady. Qaita óńdeýshi kásiporyndardy qoldap, olardyń ónimderiniń shetelge saýdalanýyna jaǵdai jasaý kerek. Shetelge shyqqan taýar valiýta ákeledi. Valiýta kóbeigen saiyn kásiporynnyń da áleýeti artyp, qosymsha jumys ornyn ashady.
«Aýyl» partiiasy Májiliske barǵanda aýyl sharýashylyǵy ónimin óndirýshiler úshin áleýmettik aýdarymdardan basqa salyqtardyń barlyq túrin tolyq joiýdy, eńbek adamynyń mártebesin kóterýdi birinshi kezekte másele retinde kóteretin bolady.
Jalpy, Aqtóbe óńirinde sońǵy jyldary qýańshylyq qatty sezilip jatyr. Sý tapshy, jaiylymdar jutap barady. Osynyń bári partiia nazarynda, — dedi kásiporyn ujymy aldynda sóz alǵan Májilis kandidaty Erbolat Saýryqov.
«Aibek» kásipornynan keiin kandidattar un jáne un ónimderin elimizben qatar Ózbek, Resei, Túrkimen, Gúrji, Aýǵan elderi naryǵyna shyǵaratyn «Novoaldjan» un kombinatynyń ujymymen kezdesti.
"Qazaqstannyń agroónerkásiptik kesheni ekonomikany damytý úshin ǵana emes, jalpy memleket úshin de mańyzdy strategiialyq mánge ie. «Aýyl» partiiasy aýyl sharýashylyǵy salalaryndaǵy problemalardy jáne olardy sheshý joldaryn óte jaqsy biledi. Búginde bizde aýyl sharýashylyǵy shikizatyn óndirýshi men qaita óńdeýshiler arasyndaǵy qarym-qatynas naqty rettelmegen. Sol jaǵdaidy durys jolǵa qoiý kerek. Qaita óńdeý kásipornynda ainalymdyq qarajat joq.
Mundai kásiporyn qurýǵa úlken investitsiia kerek. Qaita óńdeýshilerdiń tabatyn paidasy óte az bolǵandyqtan oǵan árkim kele bermeidi. Sondyqtan buǵan memlekettik qoldaý, iaǵni sýbsidiia kerek. Eń ózekti másele osy. Batys óńirindegi mal sharýashylyǵyn kebek tárizdi qaita óńdeýden shyǵatyn mal azyǵymen qamtamasyz etý kerek.
Ol úshin óńirde ósimdik sharýashylyǵy ónimderin qaita óńdeitin kásiporyndar óte qajet. Osy aitylǵan máseleniń bári «Aýyl» basty nazarynda.
Biz májiliske barǵan bette agrariiler men otandyq azyq-túlik óndirýshilerin sózsiz memlekettik qoldaýǵa berik kepildikter beretin «Azyq-túlik qaýipsizdigi týraly» Konstitýtsiialyq zań qabyldaýdy, otandyq biznesti import qysymynan qorǵaityn jańa kedendik-tariftik saiasatty ázirleýdi qolǵa alamyz, — dedi ujymǵa «Aýyl» partiiasynan QR parlamenti májilisine kandidat Serik Egizbaev.
Odan keiin kandidattar Aqtóbe oblysy Qobda aýdany turǵyndarymen kezdesti. Kezdesýde partiianyń halyq qoldaýymen Májiliske barǵanda aýyl sharýashylyǵy jerlerin latifýndisterdiń emes, halyqtyń paidasyna ádil túrde qaita bólý maqsatynda Qazaqstan Respýblikasynyń Jer kodeksin qaita qaraýdy, aýyl halqyna, iaǵni eńbek adamyna «el asyraýshysy» retinde erekshe quqyqtyq mártebe berý másele retinde kóteretini jáne soǵan qol jetkizetini aityldy.
