Basqosý barysynda QHP basshysy partıanyń elimizdiń taý-ken-metallýrgıalyq kásipodaq uıymdarymen yntymaqtastyǵy, sondaı-aq naqty sektordy damytý josparlary týraly aıtty.
«Biz qoldanystaǵy jumysshylardyń quqyn taptaıtyn Eńbek kodeksine qarsymyz! Jańa Qazaqstanǵa jaldamaly qyzmetkerdiń áleýmettik jáne eńbek quqyqtaryn tolyǵymen qorǵaıtyn jańa Kodeks qajet! Biz – myqty jáne jumys berýshiden táýelsiz kásipodaqtardy qoldaımyz!
Budan basqa QHP aýyr, zıandy nemese qaýipti jumystarda isteıtin qyzmetkerlerdi 50-55 jastan zeınetke shyǵarý ádiletti dep esepteıdi.
Sonymen qatar halyqaralyq eńbek uıymynyń standarttaryna saı kenshiler men metalýrgterdiń jumys barysynda densaýlyǵyn joǵaltqan jaǵdaıda qosymsha aqy tóleýdi, quqyqtyq qorǵaýdy jaqtaıdy», - dep atap ótti Ertisbaev
Ertisbaevtyń saılaýshylarmen kelesi kezdesýleri Temirtaý turǵyndarymen jalǵasty. Keıinnen qurylysshylar, shaǵyn orta bıznes ókilderi partıa baǵdarlamasymen tanysty. QR Prezıdenti Qasym-Jomart Toqaev: «Qazaqstandaǵy olıgarhıalyq kapıtalızm dáýiri aıaqtalyp keledi» – dep málimdedi.
«Jumys berýshi óndiristegi tótenshe jaǵdaı úshin jáne óz qyzmetkerleriniń ómiri úshin jaýap berýi tıis. Bul otandyq jáne sheteldik bıznesmenderge de qatysty», – dep atap ótti QHP Tóraǵasy.
Kóshpeli kezdesý jergilikti ortalyq ámbebap dúken kásipkerlerimen qorytyndylandy. QHP tóraǵasynyń Qaraǵandy oblysyna sapary jalǵasyp jatyr.
