Kóptildi bilim – qoǵamnyń basym baǵyttarynyń biri
Onlain formatta uiymdastyrylǵan konferentsiianyń plenarlyq májilisin «Órleý» Almaty filialynyń direktory p.ǵ.d. Raisa Sadvakasova quttyqtaý sózimen bastady. Raisa Ajdarqyzy Institýttyń turaqty seriktesteri men osy konferentsiiany ótkizýge birlese atsalysyp otyrǵan Almaty qalasynyń bilim basqarmasynyń basshylaryna, ádiskerlerine qoldaý kórsetkeni úshin alǵys aityp, tájiribege baǵyttalǵan Konferentsiiada kóptildi bilim berý máseleleri jan-jaqty qarastyryp, tiimdi sheshimder qabyldanady degen senim bildirdi.
Is-shara baǵdarlamasyna sáikes májiliske qatysýshy qonaqtar óz retimen tanystyrylymyn jasap, baiandama oqyp, tájiribe bólisti. Atap aitsaq, Almaty qalasy bilim basqarmasy Bilim berýdegi jańa tehnologiialardyń ǵylymi-ádistemelik ortalyǵynyń oqý jumysy jónindegi bólim jetekshisi Ateibek Sandýǵash Tursynbaiqyzy qazirgi ýaqytta elimizdiń basqa eldermen qarym-qatynasy keńeigen kezde basty mindet úshtildi erkin meńgergen jáne bolashaqta óz bilimin qarym-qatynastyń túrli salalarynda utymdy paidalana alatyn adamdy daiarlaý bolyp tabylatynyn atap aitty.
Qyrǵyzstan Respýblikasy Biliktilikti arttyrý institýty janyndaǵy ortalyqtyń meńgerýshisi Artykbaeva Gýlmira Ermatovna óz sózinde barlyq jahandyq problemalardyń shielenisýiniń kúrdeli dáýirinde órkendegen bolashaqqa degen úmittiń birden-bir kózi – bilim berý ekendigine nazar aýdardsa, EQYU Azshylyq ulttar isteri jónindegi joǵarǵy komissarynyń kóptildi bilim berý boiynsha halyqaralyq keńesshisi Atanasiia Stoianova Petrovna sóz kezeginde áriptesterin kásibi merekemen quttyqtap, Órleý Almaty filialymen kóptildi bilim berý baǵytyndaǵy uzaq jyldar birlesip atqarǵan jumystarynyń jemisti nátijesi týraly jan-jaqty baiandady. Tilderdi saqtaýǵa jáne damytýǵa múmkindik beretin qadamdardyń mańyzdylyǵyna toqtaldy.
EQYU Azshylyq ulttar isteri jónindegi joǵarǵy komissarynyń óńirlik menedjeri Sairova Giýlnaz kóptildi bilim berýdiń búgingi jaǵdaiy týraly baiandasa, Tbilisi ýniversitetiniń professory Kaha Gabýniia mektep pen mektepke deiingi bilim berýdi qamtityn kóptildi bilim berý boiynsha pilottyq joba týraly aitty. Qyrǵyzstan Respýblikasy Biliktilikti arttyrý institýty janyndaǵy ortalyqtyń Kóp tildi jáne inkliýzivti bilim berý bóliminiń meńgerýshisi Orysbaeva Damira Nurjanqyzy Qyrǵyzstandaǵy kóp tildi bilim berý baǵdarlamasynyń baǵyt-baǵdary týraly tanystyrylymyn usyndy.
Sonymen qatar, Bolzano Erkin ýniversitetiniń professory Stefani Risse Italiianyń mektepke deiingi uiymdarynda tilderdi oqytýdyń innovatsiialyq tásilderi týraly (Italiiada úsh ákimshilik til bar – italian, nemis jáne Ladin), kóptildilikti oqytýdyń ózindik ádisi bar ekenin jáne CLIL ádisin qoldanbaitynyn atap ótti.
«Órleý» Almaty filialynyń aǵa oqytýshysy trener, gýmanitarlyq ǵylymdar magistri Esentaeva Aijan Ydyrysqyzy baiandamasynda pánaralyq jáne pánishilik qarym-qatynastyń integratsiiasyn ustana otyryp, tapsyrmaǵa negizdelgen tásildi qoldaný aiasynda oqýshynyń mátin mazmunyn túsiný arqyly oqýdy úirenetini týraly baiandap, tájiribesimen bólisti.
Qyrǵyzstan Respýblikasy Biliktilikti arttyrý institýtynyń aǵa oqytýshysy Omorova Aigúl Ábdiqaparqyzy kóp tildi mektep muǵalimderin qaita daiarlaý tásilderi týraly oi qozǵasa,, Mońǵoliia BǴM Bilim berý institýtynyń Sheteldegi azshylyq ult balalary men mońǵol balalaryna bilim berýdi zertteý sektorynyń ǵylymi qyzmetkeri Zýlmira Jaýbai Mońǵoliiadaǵy azshylyq ult mektepterinde integratsiialanǵan oqytýdy zertteýdiń nátijesimen, tájiribesimen bólisti. Kembridj ýniversitetiniń baǵalaý ortalyǵynyń oqytýshysy Bob Obi myrza CLIL kómegimen tildik kýrsty qurylymdaýdyń eń jaqsy ádisi, bastaýysh synyp oqýshylaryna pándik-tildik integratsiialanǵan oqytý týraly baiandady. Al, Qazaqstandaǵy «Edu Stream» til mektebiniń akademiialyq direktory, pákistandyq Djozef Sheih tildi meńgerý deńgeiin kóterýdiń birden-bir ádisi – kitap oqýǵa qyzyqtyrý týraly óz pikirimen bólisti.
Qyrǵyzstandaǵy kóptildi bilim berý baǵdarlamalarynyń ulttyq úilestirýshisi Viktoriia Býlatova, Qazaqstandaǵy kóptildi bilim berý baǵdarlamalarynyń ulttyq úilestirýshisi, «Kóptildi bilim berý» baǵdarlamalary boiynsha halyqaralyq trener Viktoriia Kaidakova osy saladaǵy jumystyń baǵyt-baǵdarymen tanystyrdy.
Konferentsiiaǵa álemniń túkpir-túkpirinen qatysqan aitýly ǵalymdar men zertteýshi mamandardyń ózekti máselelerdi oitalqysyna salyp, tiimdi sheshimderdi qarastyrǵan mazmundy baiandamalary men qundy usynystary kóptildi bilim berý baǵytyndaǵy júieli jumystyń aiqyn kórinisi.
Nurzat Raiymqulova, «Órleý» Almaty filialynyń PR, SMM mamany
