Qyzylorda qalasyndaǵy partiia múshesi, saiasattanýshy Sáýlet Sahiev qujatta memlekettik tildi qoldaýǵa basa nazar aýdarylǵanyn aitty.
– Basty ereksheligi – qujatty ázirleý men jazý alǵash ret tolyǵymen qazaq tilinde júrgizildi. Sonymen qatar, eger buryn adami kapital uǵymy jeke tulǵanyń rýhani qundylyqtarymen ǵana baǵalanyp, ólshenetin bolsa, jańa tuǵyrnamanyń jobasynda ol eldiń joǵary ekonomikalyq kórsetkishi retinde baǵalanady, – dedi ol.
Elordalyq partiia múshesi, «Jaina Astana» QB tóraǵasy Muhtar Erketaevtyń pikirinshe, eń ózekti máselelerdiń biri – zań ústemdigin qamtamasyz etý jáne ádildikti ornatý.
– Ádildik, zańdylyq pen tártip ornatý, sybailas jemqorlyq pen paraqorlyqqa qarsy aiaýsyz kúres. Bul baǵyttar tuǵyrnamada basymdyq retinde kórsetilgen. Konstitýtsiiamen kepildendirilgen adam quqyqtary kez kelgen jaǵdaida qorǵalýy kerek. Kúsh-jigerimizdi jýumyldyryp, biz qoǵamda jańa quqyqtyq mádenietti qalyptastyrýǵa tiispiz. Bul – partiia aldyndaǵy úlken jaýapkershilik, – dedi ol.
Qaraǵandy oblysyndaǵy partiia músheleri jańa tuǵyrnama qazaqstandyqtardyń múddesin qorǵaý úshin bar kúsh-jigerin jumsaityn partiialyqtardyń belsendiligin arttyrýǵa múmkindik beretinine senimdi. Saran qalasynyń turǵyny, «Domstroi» bastaýysh partiia uiymynyń tóraǵasy Merýert Mamirovanyń aitýynsha, amanattyqtardyń da, barlyq qazaqstandyqtyń da aldynda Ádiletti Qazaqstandy qurý mindeti tur.
– Bastaýysh partiia uiymymyzdyń kóptegen múshesi – bilim berý salasynyń qyzmetkerleri. Sondyqtan biz tuǵyrnamanyń osy bóligine erekshe yqylaspen qaradyq. Óskeleń urpaqtyń boiynda belsendi azamattyq ustanym qalyptastyryp, olarǵa qoǵam qundylyqtarynyń júiesin, Shoqan Ýálihanov pen Ybyrai Altynsarinniń izgi niet missiialarynyń murasyn sińirý qajet, – deidi ol.
Almaty qalalyq máslihatyndaǵy «AMANAT» partiiasynan sailanǵan depýtat Ásiia Aqanova da bilim jáne ǵylym salasyna nazar aýdardy.
– Aldaǵy partiia Seziniń delegaty bola otyryp, men jas ǵalym retinde otandyq ǵylymnyń damýyn nasihattaǵym keledi. Jas ǵalymdarǵa olardyń ǵylymi qyzmetine qolaily jaǵdai jasaý, qoldaý kórsetý mańyzdy. Jańa ideialarǵa ashyq, syni jáne kreativti oilaityn, óz bilimi men daǵdysyn únemi jetildirýge daiyn azamattar progressivti, intellektýaldy qoǵamnyń negizi bola alady, – dedi halyq qalaýlysy.
Atyraý oblysynyń aktivi Sezd jumysyna qatysý tek partiialastarmen kezdesý ǵana emes, partiianyń eń ózekti máseleleri men negizgi baǵyttary boiynsha ashyq pikirtalas ekenine senimdi. Partiia tuǵyrnamasyn jas urpaq qoldap otyr.
– Tuǵyrnama – jańǵyrýdyń dáleli. Patriot, bilimdi jáne sanaly jastar – «AMANAT»-tyń bolashaǵy. Partiia árqashan maqsatshyl, talantty, talapty jastardy qoldaidy jáne biz ýaqytpen qatar júrýimiz kerek, – deidi «Jastar Rýhy» jastar qanatynyń belsendisi Zakariia Bekarys.
Eske sala keteiik, buǵan deiin búkil elimiz boiynsha 800 myńǵa jýyq partiia múshesin qamtyǵan 4 myńnan astam bastaýysh partiia uiymynyń otyrystary ótken bolatyn. «AMANAT»-tyń óńirlik filialdarynyń 20 konferentsiiasynyń qorytyndysy boiynsha kezekten tys Sezge 700 delegat sailandy. Jalpy, barlyq deńgeidegi konferentsiialar jumysyna 20 myńnan astam adam qatysty. Al 6 qazanda Astana qalasynda «AMANAT» partiiasynyń kezekten tys XXIV Sezi ótedi.
