Qazaqstan Táýelsiz el Mariia Zaharovanyń bizdiń elshige bulaisha ákireńdeýi orynsyz. Eger Piotr Vrýblevskiige qatysty aitar aryz-armany bolsa, Ýkraina Syrtqy ister ministri Dimitrii Kýlebaǵa baryp aitpai ma?
Bizdiń syrtyq vedmostvanyń ókilderi Piotr Vrýblevskii bloger Dias Kýzairov bergen suhbatynan keiin shaqyryp alyp, el ishinde ultarazdyq týdyrýǵa jol berilmeitinin eskertken bolatyn.
Osydan keiin Ýkrain elshisi óziniń Qazaqstandaǵy missiiasyn aiaqtap, eline oralǵan-dy. Araǵa biraz ýaqyt salyp Piotr Vrýblevskii Qazaqstandaǵy otbasyn alyp ketý úshin Qazaqstanǵa kelgen bolatyn. Ol sol aralyqta elimizdegi Ýkrain elshiligine barǵan.
Piotr Vrýblevskiidiń óz eliniń elshiligine barǵany Zaharovanyń aiazdai batsa kerek. Ol osydan keiin Máskeýdegi bizdiń elshini shaqyryp alyp biraz «áńgime» aityp Piotr Vrýblevskiidi elden tezdetip shyǵarýdy talap etipti. Zaharovanyń munysy endi asqandyq.
Soǵystan qashqan myńdarǵan orys syiǵan Qazaqstanǵa Ýkrainanyń bir elshisi syimai ma? Onyń bizdiń elde aialdaityndai ýaqyty da joq. Zaharova aitty eken dep otbasyn alyp ketýge kelgen elshini asyqtyrý orysyz ǵoi.
Zaharova «Piotr Vrýblevskii diplomatikalyq etika men ózi qyzmet etip jatqan eldiń zańyn syilamaǵandy bylai qoiǵanda, qarapaiym mádeniettiń sheginen shyǵyp, ultarazdyq janjal týǵyzýǵa árekettenýde» dep bizdiń elshige shaǵym aitypty.
