Biliktilikti arttyrý kýrsyn júrgizýdiń maqsaty modýldik-quzyrettilik tásili negizinde holdıńtiń ázirlegen bilim berý baǵdarlamasy boıynsha júrgizilýde. Bul jumys qolǵa alǵaly beri elimizdiń túkpir-túkpirindegi kásiptik-tehnıkalyq bilim berý uıymdarynyń basshylary men ınjenerlik-pedagogıkalyq jumysshylardyń kásiptik quzyretin, tájirıbelik bilimin, sheberligin jáne daǵdysyn qurý jáne arttyrý baǵytynda biliktilikterin shyńdap, zaman talabyna saı shákirt tárbıeleýdiń qyr-syryn meńgere bastaǵanyn aıta ketýimiz kerek.
Olar – kásiptik-tehnıkalyq bilimniń qoldanystaǵy úlgilik oqý baǵdarlamalary men josparlarynan jańa bilim berý baǵdarlamalarynyń erekshelikterin, bilim berý baǵdarlamalaryn ázirleý ádisi men engizý sharttaryn jáne oqytýdyń kredıttik tehnologıasyn baǵalaýdyń zamanaýı ádisteri men tásilderin jan-jaqty saraptap, biliktilikterin shyńdaý múmkindigine ıe boldy.
Osy rette biliktilikti arttyrý eki kezeńnen turǵanyn aıta ketýimiz kerek. Birinshi kezeńde, «Kásipqor» holdıńi 200 adamdy trenerlikke daıyndaýǵa kúsh salyp otyr. Qazirgi tańda Astana qalasyndaǵy «Qaztutynýodaǵynyń» saýda-ekonomıkalyq kolejinde trenerlerdiń birinshi aǵymy kýrstan ótip jatyr. İs-shara sońynda tehnıkalyq jáne kásiptik bilim berý uıymdarynyń basshylary men ınjenerlik-pedagogıkalyq mamandar iriktelinip alyndy. Kýrstar qazaq jáne orys tilderinde 36 saǵat kóleminde júrgizilip jatqanyn aıta ketýimiz kerek. Kýrs sońynda tyndaýshyǵa «Kásipqor» holdıńiniń shtattan tys treneri» dárejesi beriledi.
Kýrstyń ekinshi kezeńinde 2016 jyldyń maýsym jáne qyrkúıek aıynda qolǵa alynady. Osy biliktilikti kóterý kýrsynan ótken mamandar bilim oshaqtarynda sapaly kásiptik-tehnıkalyq mamandardy kóptep daıyndaýǵa bar kúshin salatyn bolady.
Nazym RYSBETOVA
