"Eýraziia" arnasynyń ústinen is qozǵaldy
Aita ketsek, sheteldikterge jerdi jalǵa berýge qarsy shyqqan halyq narazylyǵynan keiin «Eýraziia» telearnasy keshki jańalyqtarynyń júrgizýshisi Aimira Sháýkentaeva alańǵa shyqqandardy «besinshi kolonnanyń baǵynyshtylary» dep ataǵan bolatyn.
Dál osy jýrnalist Atyraýda jerdi jalǵa berýge narazylyq tanytqandar alańǵa shyqqany úshin 50-den 150 dollarǵa degen aqy alǵanyn aitqan. Buǵan dálel retinde telearna arnaiy «video-derekti» kórsetken edi.
Bul jait qoǵamnyń nazarynan qalys qalǵan joq. Al zańger Nurhan Jumabekov óz kezeginde telearnany sotqa berdi.
– Júrgizýshiniń sózine qaraǵanda, qazaqtar alańǵa óziniń týǵan jeriniń taǵdyryna alańdaǵany úshin shyqpaǵan, kerisinshe «aqyly negizde» 150 dollar alý úshin qaidaǵy bir «besinshi kolonnanyń» aitaqtatýymen kóterilgen. Sháýkentaevanyń aitqanyn estip qanym qaraidy. Namysyma tidi. Halyqpen birge qaiǵyrǵan jáne halyqtyń talabymen úndes jatqan oi-pikirimdi mazaq qyldy. Sháýkentaevanyń sózine qaraǵanda men ata babamnyń jerin saqtap qalý úshin narazylyqqa shyqqanda áldebir ishki jaýdyń, besinshi kolonnanyń aitqanyna baǵynyppyn. Munda qandai qisyn bar? – deidi zańger.
