ايتا كەتسەك، شەتەلدىكتەرگە جەردى جالعا بەرۋگە قارسى شىققان حالىق نارازىلىعىنان كەيىن «ەۋرازيا» تەلەارناسى كەشكى جاڭالىقتارىنىڭ جۇرگىزۋشىسى ايميرا شاۋكەنتايەۆا الاڭعا شىققانداردى «بەسىنشى كولوننانىڭ باعىنىشتىلارى» دەپ اتاعان بولاتىن.
ءدال وسى جۋرناليست اتىراۋدا جەردى جالعا بەرۋگە نارازىلىق تانىتقاندار الاڭعا شىققانى ءۇشىن 50-دەن 150 دوللارعا دەگەن اقى العانىن ايتقان. بۇعان دالەل رەتىندە تەلەارنا ارنايى «ۆيدەو-دەرەكتى» كورسەتكەن ەدى.
بۇل جايت قوعامنىڭ نازارىنان قالىس قالعان جوق. ال زاڭگەر نۇرحان جۇمابەكوۆ ءوز كەزەگىندە تەلەارنانى سوتقا بەردى.
– جۇرگىزۋشىنىڭ سوزىنە قاراعاندا، قازاقتار الاڭعا ءوزىنىڭ تۋعان جەرىنىڭ تاعدىرىنا الاڭداعانى ءۇشىن شىقپاعان، كەرىسىنشە «اقىلى نەگىزدە» 150 دوللار الۋ ءۇشىن قايداعى ءبىر «بەسىنشى كولوننانىڭ» ايتاقتاتۋىمەن كوتەرىلگەن. شاۋكەنتايەۆانىڭ ايتقانىن ەستىپ قانىم قارايدى. نامىسىما ءتيدى. حالىقپەن بىرگە قايعىرعان جانە حالىقتىڭ تالابىمەن ۇندەس جاتقان وي-پىكىرىمدى مازاق قىلدى. شاۋكەنتايەۆانىڭ سوزىنە قاراعاندا مەن اتا بابامنىڭ جەرىن ساقتاپ قالۋ ءۇشىن نارازىلىققا شىققاندا الدەبىر ىشكى جاۋدىڭ، بەسىنشى كولوننانىڭ ايتقانىنا باعىنىپپىن. مۇندا قانداي قيسىن بار؟ – دەيدى زاڭگەر.
