Onyń sózinshe, aktsiia musylmandar Muhammed paiǵambardyń týǵan kúnin belgilegen 29 qazan kúni, bir táýlik kúshinde bolady. Bul Sheshenstan basshysy Ramzan Kadyrovtyń bastamasymen jariialanyp, ákesi Ahmad Kadyrov atyndaǵy qoǵamdyq qor tarabynan qarjylandyrylady.
Osyǵan deiin Ramzan Kadyrov Frantsiiada muǵalimniń sheshen ultyndaǵy adam tarabynan óltirilgeni boiynsha pikir bildirip, bul qylmysty aiyptaǵan. Muǵalim bul oqiǵadan birneshe kún buryn sabaqta sóz erkindigi jóninde pikir bildirip, oqýshylarǵa Charlie Hebdo jýrnalyna jariialanǵan Muhammed paiǵambardyń karikatýrasyn kórsetkeni habarlanǵan.
Ramzan Kadyrov jýrnaldyń karikatýrasyn qoldaǵan Frantsiia prezidenti Emmanýel Makrondy "qylmyskerden júz ese jaman is qylǵanyn" aityp, "onyń bul áreketi musylmandardy terakt jasaýǵa shaqyrýǵa teń" degen.
Sársenbi kúni Kadyrovtyń bul sózderine Resei prezidentiniń baspasóz hatshysy Dmitrii Peskov pikirin bildirdi. Ol Sheshenstan basshysynyń aty-jónin aitqan joq, biraq "sýbektilerdiń basshylary syrtqy saiasatpen ainalysa almaitynyn, qandai da bir sheshim qabyldai almaitynyn, zańda mundai quqyqtar tek ólke prezidentine ǵana berilgenin" jetkizgen.
Óz kezeginde Kadyrov Makron týraly saiasatker retinde emes, musylman retinde pikirin bildirgenin jetkizgen. Ol eldiń syrtqy saiasatyn kim anyqtap, kim retteitinin jaqsy biletinin, muny oǵan túsindirýdiń qajeti joq ekenin aitqan.
