Almatyda kóshede retsiz qalǵan elektrosamokattar endi arnaıy qyzmet tarapynan alynyp tastalmaq. Bul týraly qalalyq Polısıa departamenti basshysynyń orynbasary Ǵalym Sarǵulov málimdedi, dep habarlaıdy Dalanews.kz.
Onyń aıtýynsha, basty maqsat – bızneske qysym jasaý emes, qala turǵyndarynyń qaýipsizdigin qamtamasyz etý.
"Qaı jerde bolsa da durys qoıylmaǵan samokattardy alyp ketemiz", - dedi ol.
Bul máseleni sheshý úshin arnaıy jumys toby qurylady. Onyń quramyna kıksherıng kompanıalary, jetkizý qyzmetteri, ákimdik, prokýratýra, depýtattar jáne kásipkerler palatasynyń ókilderi kiredi.
Jumys toby qazirgi jaǵdaıdy zerttep, samokattar, mopedter men kýrerlerge qatysty qaýipsizdikti kúsheıtý boıynsha usynystar ázirleıdi.
