Qazaqstanda ekstremistik jáne terroristik materialdardy saqtaýǵa zań júzinde tyiym engizý usynyldy, dep habarlaidy Dala News.
Májiliste birinshi oqylymda qaralǵan zań jobasyna sáikes, buryn tek mundai materialdardy ákelýge, taratýǵa jáne daiyndaýǵa tyiym salynsa, endi olardy saqtaýǵa da shekteý qoiylady.
Depýtat Bolat Kerimbektiń aitýynsha, bul ózgerister ekstremizmniń aldyn alý sharalaryn kúsheitýge baǵyttalǵan.
Sonymen qatar zań jobasy aiasynda ekstremizmniń paida bolý sebepterin zertteý jáne onyń taralýyna yqpal etetin faktorlardy joiý mindetteri de qarastyrylǵan.
Budan bólek, túzetýler memlekettik qupiialar salasyndaǵy jaýapkershilikti kúsheitýdi kózdeidi.
Májilis qorytyndysyna sáikes, jańa normalar ulttyq qaýipsizdikti qamtamasyz etetin organdardyń jumysyn tiimdirek etýge jáne zańdaǵy olqylyqtardy joiýǵa baǵyttalǵan.
