قازاقستاندا ەكسترەميستىك جانە تەرروريستىك ماتەريالداردى ساقتاۋعا زاڭ جۇزىندە تىيىم ەنگىزۋ ۇسىنىلدى، دەپ حابارلايدى Dala News.
ماجىلىستە ءبىرىنشى وقىلىمدا قارالعان زاڭ جوباسىنا سايكەس، بۇرىن تەك مۇنداي ماتەريالداردى اكەلۋگە، تاراتۋعا جانە دايىنداۋعا تىيىم سالىنسا، ەندى ولاردى ساقتاۋعا دا شەكتەۋ قويىلادى.
دەپۋتات بولات كەرىمبەكتىڭ ايتۋىنشا، بۇل وزگەرىستەر ەكسترەميزمنىڭ الدىن الۋ شارالارىن كۇشەيتۋگە باعىتتالعان.
سونىمەن قاتار زاڭ جوباسى اياسىندا ەكسترەميزمنىڭ پايدا بولۋ سەبەپتەرىن زەرتتەۋ جانە ونىڭ تارالۋىنا ىقپال ەتەتىن فاكتورلاردى جويۋ مىندەتتەرى دە قاراستىرىلعان.
بۇدان بولەك، تۇزەتۋلەر مەملەكەتتىك قۇپيالار سالاسىنداعى جاۋاپكەرشىلىكتى كۇشەيتۋدى كوزدەيدى.
ءماجىلىس قورىتىندىسىنا سايكەس، جاڭا نورمالار ۇلتتىق قاۋىپسىزدىكتى قامتاماسىز ەتەتىن ورگانداردىڭ جۇمىسىن تيىمدىرەك ەتۋگە جانە زاڭداعى ولقىلىقتاردى جويۋعا باعىتتالعان.
