Qazaqstannyń syrtqy qaryzy keiingi bir jylda edáýir ósip, 180 mlrd dollardan asty, dep habarlaidy Dalanews.kz.
LS Ulttyq banktiń málimetine súienip 2026 jyldyń 1 qańtaryna qarai eldiń jalpy syrtqy bereshegi 181,8 mlrd dollardy quraǵanyn jetkizdi. Iaǵni bir jyl ishinde qaryz kólemi 17,2 mlrd dollarǵa ulǵaiǵan.
Mamandar bul ósimdi eń aldymen tólem balansy arqyly tartylǵan qarajatpen bailanystyrady. Oǵan qosa, valiýta baǵamynyń ózgerýi men naryqtaǵy qubylmaly jaǵdai da áser etken.
Qaryzdyń basym bóligi uzaq merzimge alynǵan. Iaǵni syrtqy bereshektiń 88 paiyzdan astamy bir jyldan uzaq ýaqytqa rásimdelgen mindettemeler. Bul bir jaǵynan qysqa merzimdegi qarjylai qysymdy azaitsa, ekinshi jaǵynan naryqtaǵy ózgeristerge táýeldilikti arttyrady.
Qurylymyna qarasaq, negizgi úles sheteldik uiymdardan alynǵan nesieler men qaryzdarǵa tiesili. Sonymen birge sheteldik investorlardyń qolyndaǵy boryshtyq baǵaly qaǵazdardyń da úlesi bar.
Sarapshylardyń aitýynsha, Qazaqstan eń kóp qaryz alǵan elderdiń qatarynda Niderlandy birinshi orynda tur. Odan keiin Resei men Ulybritaniia jalǵaidy.
