قازاقستاننىڭ سىرتقى قارىزى كەيٸنگٸ بٸر جىلدا ەدەۋٸر ٶسٸپ, 180 ملرد دوللاردان استى, دەپ حابارلايدى Dalanews.kz.
LS ۇلتتىق بانكتٸڭ مەلٸمەتٸنە سٷيەنٸپ 2026 جىلدىڭ 1 قاڭتارىنا قاراي ەلدٸڭ جالپى سىرتقى بەرەشەگٸ 181,8 ملرد دوللاردى قۇراعانىن جەتكٸزدٸ. ياعني بٸر جىل ٸشٸندە قارىز كٶلەمٸ 17,2 ملرد دوللارعا ۇلعايعان.
ماماندار بۇل ٶسٸمدٸ ەڭ الدىمەن تٶلەم بالانسى ارقىلى تارتىلعان قاراجاتپەن بايلانىستىرادى. وعان قوسا, ۆاليۋتا باعامىنىڭ ٶزگەرۋٸ مەن نارىقتاعى قۇبىلمالى جاعداي دا ەسەر ەتكەن.
قارىزدىڭ باسىم بٶلٸگٸ ۇزاق مەرزٸمگە الىنعان. ياعني سىرتقى بەرەشەكتٸڭ 88 پايىزدان استامى بٸر جىلدان ۇزاق ۋاقىتقا رەسٸمدەلگەن مٸندەتتەمەلەر. بۇل بٸر جاعىنان قىسقا مەرزٸمدەگٸ قارجىلاي قىسىمدى ازايتسا, ەكٸنشٸ جاعىنان نارىقتاعى ٶزگەرٸستەرگە تەۋەلدٸلٸكتٸ ارتتىرادى.
قۇرىلىمىنا قاراساق, نەگٸزگٸ ٷلەس شەتەلدٸك ۇيىمداردان الىنعان نەسيەلەر مەن قارىزدارعا تيەسٸلٸ. سونىمەن بٸرگە شەتەلدٸك ينۆەستورلاردىڭ قولىنداعى بورىشتىق باعالى قاعازداردىڭ دا ٷلەسٸ بار.
ساراپشىلاردىڭ ايتۋىنشا, قازاقستان ەڭ كٶپ قارىز العان ەلدەردٸڭ قاتارىندا نيدەرلاندى بٸرٸنشٸ ورىندا تۇر. ودان كەيٸن رەسەي مەن ۇلىبريتانييا جالعايدى.
